Venesuela terma jamoasi Jidda shahrida Saudiya Arabistoni bilan o'rtoqlik uchrashuvida maydonga tushdi.
26-daqiqada Solomon Rodon uzatib bergan to'pni Jozef Martines raqib darvozasiga yo'llab, hisobni ochdi - 0:1.
Oradan 8 daqiqa o'tgach, ayni paytda "River Pleyt" klubida faoliyat olib borayotgan Rondonning o'zi jarima maydoni ichida to'pni egallab, gol urdi - 0:2.
Ikkinchi taymda Salim Al Davsari jarima maydoni ichidan chiroyli gol urishga erishdi - 1:2.
Bahs oxirigacha mana shu hisob o'zgarmadi hamda argentnalik murabbiy Fernando Batista boshchiligidagi Venesuela O'zbekiston bilan o'rtoqlik uchrashuvidan oldin g'alabaga erishdi.
Venesuela va O'zbekiston terma jamoalari o'rtasidagi bahs 28 mart kuni Jidda shahrida bo'lib o'tadi.
Saudiya Arabistoni - Venesuela 1:2
Gollar: Salim Al Davsari 73 - Jozef Martines 26, Salomon Rondon 34.
Venesuela: 12.Alain Baroya, 21.Aleksandr Gonsales, 4.Jon Chansellor (2.Jan Fuentes, 71), 3.Yordan Osorio, 18.Migel Navarro (27.Brayan Alkoser, 90+3), 8.Tomas Rinkon (5.Junior Moreno, 60), 9.Eduard Bello (15.Jon Murilo, 71), 13.Xose Martines, 11.Samuel Sosa (26.Yoxan Kumana, 71), 23.Salomon Rondon, 17.Jozef Martines (10.Ernesto Torregrossa, 60).
Bosh murabbiy: Fernando Batista.
Ogohlantirishlar: Saud Abdulhamid 18 - Osorio 12, Rondon 52, A.Gonsales 90+6.
Izohlar