O'yinchilar terma jamoalardan o'z klublari safiga kelib qo'shilishdi, tez orada evrokubok bahslari o'tkaziladi. Undan oldin esa, milliy chempionatlar tur bahslari bo'lib o'tmoqda.

Italiya A Seriya bahslari qizg'in pallaga kirmoqda. 4-turni yakunlab beruvchi "Verona" va "Jenoa" jamoalari o'rtasidagi bahs bugun 19 oktyabr kuni bo'lib o'tadi. O'yin Toshkent vaqti bilan 23:45da Veronadagi "Mark-Antonio Bentegodi" stadionida bo'lib o'tadi.

Veronaliklar o'tgan mavsum "Atalanta" va "Inter" kabi klublardan ochko olishga erishishdi. Bu mavsumda esa "Verona" uch turdan so'ng 6 ochko ishlashga erishgan. Aytib o'tish kerakki, 1-turda jamoa "Roma" bilan bahsda texnik g'alabaga erishdi. O'yinda nursiz durang qayd etilgan edi. Ammo "Roma" tarkibida ro'yxatga kiritilmagan o'yinchi maydonga tushganligi sababli "Verona"ga texnik g'alaba yozilgandi.

Keyingi baxsda "Udineze" minimal hisobda mag'lub qilingan bo'lsa, 3-turda "Verona" "Parma"ga imkoniyatni boy berdi.

"Jenoa" birinchi turda debyutant "Krotone"ni 4:1 hisobida mag'lub qilgandi. Ikkinchi turda esa "Napoli"ga yirik hisobda yutqazdi. Neapolliklar "Jenoa" darvozasiga javobsiz oltita to'p kiritishdi.

Uchinchi turda "grifonlar" "Torino" bilan bahs olib borishlari kerak edi. Ammo klubning 22 futbolchisida koronavirus aniqlandi va uchrashuv nomalum muddatga qoldirildi.

Uch haftalik tanaffusdan so'ng klubning aksariyat futbolchilari safga qaytishdi. O'yin amaliyoti kam bo'lganligi sababli "Verona" ga qarshi o'yin og'ir kechishini kutish mumkin. Eldor Shomurodov debyut qilishga tayyor, ammo unga oson bo'lmasligi aniq.

"Jenoa" tarkibida koronavirus sababli futbolchilar bilan muammolar bor. Shu sababdan yuqorida aytilgandek, jamoa uch hafta o'yin amaliyotisiz qoldi. Jenoa" tarkibida esa Shomurodov 90 daqiqa o'ynashga tayyor, qolgan futbolchilar esa yaqindagina karantindan chiqishgan. "Verona" esa o'z maydonida hech kimga erkin o'ynash imkonini bermayapti. Xatto, o'tgan mavsum "Verona" o'z maydonida "Yuventus"ni mag'lub etgandi.

Championat.com saytidan Jalolxon Inog'omxo'jaev tarjimasi

"Verona" - "Jenoa". Shomurodovning debyuti qiyin o'yin bilan boshlanadi