Vesko Steshevich: "Bugungi hodisa ko'p sodir bo'lmaydi. Ko'pinchi o'yin starti bahs taqdirini aniqlab beradi. Uchrashuvning boshidayoq gol o'tkazdik, keyin hisobni tenglashtirishimiz mumkin edi. Ammo vaziyatdan foydalana olmadik. Ikkinchi golni standartdan o'tkazib yubordik. Uchinchi gol "sovg'a" bo'ldi. Bugun hech narsa qila olmadik. Jamoamizning ko'plab vakillari o'z darajasida o'yin ko'rsata olmadi. Qo'pol qilib aytganda - sharmandalik. Bu mag'lubiyatdan kerakli xulosalar qilamiz deb umid qilaman. 5 marta 0:1dan yutqazgandan ko'ra, bir marta 0:5ga mag'lub bo'lgan yaxshi. Raqibni g'alaba bilan tabriklayman, ular bunga munosib edi.

- Bugungi o'yinda "Metallurg" hujumchilari umuman ko'rinmadi...

- Ayb faqat hujumchilarda deya olmayman. Hammamiz xatoga yo'l qo'ydik, men, futbolchilar. Buni muhokama qilib, jamoani bu vaziyatdan olib chiqishga harakat qilamiz.

- O'zbekiston chempionati haqida nima deya olasiz?

- To'g'risi aytsam, hayronman. Chempionat darajasi yaxshi. Jamoalar ajoyib o'yin ko'rsatishmoqda. "Metallurg" haqida to'xtaladigan bo'lsak, vaziyatni tahlil qilib, natijalarni yaxshilash uchun qo'limizdan kelgan barcha ishni qilamiz.

Vesko Steshevich: "Bugun hech narsa qila olmadik"