- Ўйин ҳақида

Мавсум охирида ёқимсиз ҳолат бўлди. Бу биз учун ҳеч нимани ҳал қилмайдиган ўйин эди. Жамоани учрашувга тайёрлаш ҳам осон бўлгани йўқ. Таркибимиздаги ярим футболчилар дисквалификация қилинган. Бунинг устига бетоблар ҳам кўп эди.

Баҳсда асосан захира футболчилари ва уч нафари асосий таркибдагилар эди, қолганлар кам ўйин ўтказган ва ёшлар жамоасидан таклиф этилишган. Табиийки, натижа шунга яраша бўлди. "Турон" яхши жамоа. Бизнинг иккинчи таркибимиз билан енгил ҳаракатланди.

- Йирик ҳисобдаги мағлубиятни кутмаганмидингиз?

- Айтяпман-ку, кутилмаган ҳолат бўлди. Асосий таркибдан уч нафари ва қолганлари ёшлар эди. Ўйин амалиёти кам бўлган ёш футболчилар чиқиб ўз маҳоратларини кўрсатиши керак эди. Кимдадир ўхшади, кимдадир йўқ.

- Келаси мавсум учун қандай режалар бор? Таркиб ўзгарадими?

- Менда ҳеч қандай режа йўқ. Бошқалар ҳал қилади. Шартнома таклиф қилишмади, оғзаки айтишди. Ҳозирча уйга кетаман, нима бўлишини кейин кўрамиз.

Виктор Кумиков: "Жамоани учрашувга тайёрлаш осон бўлгани йўқ"