"Наполи" клуби ҳужумчиси Виктор Осимхен "Челси" билан келишув амалга ошмаса, Саудия Арабистонининг "Ал Аҳли" клубига ўтади. Хабар берилишича, саудияликлар Осимхен учун таклифни 70 млн еврогача оширишган.

Таниқли инсайдер Фабрицио Романонинг хабар беришича, "Ал Аҳли" раҳбарияти бугун Италияга учиб боради ва Осимхен билан музокараларни давом эттиради. Бу трансфер "Челси" билан музокаралар барбод бўлган тақдирдагина амалга ошади.

Маълумот учун, "Челси" айни дамда Осимхен билан маош ва бошқа шартлар бўйича музокара ўтказмоқда.

Виктор Осимхен "Челси" билан келиша олмаса, Европани тарк этади!