- Bugun yigitlarimning klassi sezilib turdi. Uchta gol - mavsumning mantiqiy yakuni. Jamoa oldiga qo'yilgan minimum vazifni bajarganidan xursandman - ular Superligada qolishdi va turnir jadvalida yuqorilashga erishishdi. Bu ajoyib natija deb ayta olmayman. Shunday bo'lsa-da, yigitlar kurashishdi, ularda xarakter paydo bo'ldi. Shu bois ularning turnir jadvalida ko'tarilishini adolatli deb hisoblayman.

- Kelasi mavsumda jamoa tarkibi qanchalik o'zgarishi mumkin?

- Bu futboldagi oddiy jarayon. Istalgan jamoada o'zgarishlar bo'ladi. Barcha jamoa kuchayishni istaydi. Shu sababli biz ham ishlaymiz, taxlil qilamiz, kuzatamiz. Agarda olib kelishni istagan futbolchilar bilan kelisha olsak, umid qilamanki, kelasi mavsumda jamoa kuchayadi. Jamoaning asosini saqlab qolishga harakat qilamiz. Ayrim futbolchilar atrofida o'yin qurib, ularga yaxshi sheriklar olib kelish kerak. Shundan keyin jiddiy vazifalar uchun kurashsa bo'ladi.

- Kecha "Neftchi"ga transfer taqiqi qo'yilishi mumkinligi borasida xabar chiqdi. Bunga qanday munosabatdasiz?

- Bu echsa bo'ladigan muammo. To'g'risi, futbolchilar bilan qancha qarzdorlik borligi haqida malumot bilmayman. Klub istalgan moliyaviy muammolarni hal qilishi mumkin. Shu sababli yangi futbolchilarni ro'yxatdan o'tkazishga umid qilyapman.

Vitaliy Levchenko: "Agarda olib kelishni istagan futbolchilar bilan kelisha olsak, umid qilamanki, kelasi mavsumda jamoa kuchayadi"