- Hozir barcha jamoalar 100 foiz kuchi bilan o'ynamoqda, balki undan ham ko'pdir. Raqibning ishtiyoqi yuqori darajada bo'ldi. Biz esa o'z yaratgan vaziyatlarimizdan foydalana bilmadik. Boshqa tomondan esa nimalar borasida ishlash kerakligini ko'rib oldik. Navbatdagi o'yinlarga ham jiddiy tayyorlanib, g'alabalarga erishishimiz kerak. O'yinda yigitlar yutishni istashdi, ammo barcha narsa ham o'xshagani yo'q. Reja qilingan barcha ishni bajara olmadik.

- Bugun jamoada birinchi o'ringa chiqib olish imkoniyati bor edi, biroq buni amalga oshirib bo'lmadi. Bu jamoaning keyingi kayfiyatiga qanday tasir o'tkazishi mumkin?

- Bu futbol. Sen yuqori darajada o'yin ko'rsatayotgan bo'lsang, har qanday holatga tayyor turishing kerak. Hozir bu normal holat. Jamoalar bor kuchi bilan kurashishyapti. Turnir jadvalida yuqori qismida ham, o'rtada ham, quyi tomonlarda ham raqobat bor. Hamma jamoalar ochkolar uchun o'ynashmoqda. Qo'rqinchli hech nima sodir bo'lgani yo'q. Navbatdagi o'yinga tayyorlanamiz. Raqib oson bo'lmaydi. Taslim bo'lmaymiz.

- O'yin davomida odatda Sizni asabiy holatda ko'rmagandik. Bugun Siz birinchi bo'limda juda ko'p asabiylashdingiz. Ikkinchi bo'limda himoyada sustkashliklar ko'rina boshlandi. Bu pallada yigitlarga qanday ko'rsatmalar berdingiz?

- Bugun jamoa gol o'tkazib yubormadi. Nolga o'ynadikmi, demak, himoya o'z vazifasini yaxshi bajargan bo'ladi. Albatta, kamchiliklar bo'ladi. Masalan, raqib tarkibida Zaymovich kabi to'purar futbolchilar bor. Nolga o'ynaganimiz uchun himoyada o'zgarishlar qilishdan mano ko'rmayapman. Himoyachilar bir-birini yaxshi tushunishyapti. Agarda o'zgarishlar bo'lsa, holat ham o'zgarishi mumkin. Har doim raqibni hisobga olish kerak. Bugun raqib hujumchilari aqlli futbol namoyish qilishdi, vaziyatlar yaratishdi. Buning yomon joyi yo'q. Asosiysi - xatolar golga olib kelgani yo'q.

- Arabuli ikkinchi bo'lim boshlarida almashtirildi. Bunga sabab nima?

- U Avstraliya chempionatidan keldi. U erda may oyida chempionat tugagandi va shundan keyin u tatilda bo'ldi. Shu sababli uning jismoniy holatida kamchiliklar bor, tez charchab qoldi. Uning o'rniga tushgan futbolchi esa o'yinni tezlashtirib berdi. Bizda uni o'z holatiga qaytarib olishimiz uchun vaqt bor.

Vitaliy Levchenko: "Hozir barcha jamoalar kurashyapti"