- Оғир мағлубиятни қабул қилиб олдик. Катта устунликка эришиб якунда мағлуб бўлиш жуда аламли. "Бунёдкор" ҳимояда икки тайм сабрли ўйнади. Биз қайси муаммолар устида ишлаш кераклигини жуда яхши биламиз. Аввало ҳимоядаги хатоларни тўғрилашимиз керак. Ундан кейин ҳужумни гол билан якунлашда ҳам аниқлик етишмаяпти. Булар устида ишлашда давом этамиз.

- Фаррух Сайфиев бугунги учрашувни асосий таркибда бошламади. Бу нима билан боғлиқ?

- Жамоада рақобат бор. Шу боис Фаррух захирада қолдирилди. Алишер Одилов ҳужумкор қанот ярим ҳимоячиси, Сайфиев эса ҳимоячи.

- Биринчи ўтказиб юборилган голда дарвозабон хатоси кўпроқдек кўринди.

- Ўйинни қайта кўриб ҳаммасини таҳлил қилиб чиқамиз.

- Нега хавфли вазиятлар голга айланмаяпти?

- Бунинг учун футболчиларда маҳорат ва совуққонлик бўлиши керак. Балки нотўғри позиция танлангандир.

- Омад ҳам етишмаяпти деб ўйлайсизми?

- Барибир футболда омад келмаса қийин. Статистика бўйича олдинда бўлишимиз мумкин, лекин ҳисобда бунинг акси кўринди. Жуда аламли мағлубият бўлди. Рақиб ҳимоявий яхши ҳаракат қилди, буниям тан олиш керак. Қолаверса "Бунёдкор" дарвозабони бир неча марта голлардан қутқариб қолди.

- Сиз бошқараётган "Нефтчи"нинг ўйини ва натижалари ёмон эмас. Аммо ҳар доим хунук натижадан кейин истеъфога чиқишингиз мумкинлиги ҳақида гап-сўзлар чиқади.

- Мен мураббийман ва ишлашда давом этишим керак. Мен фақат ўз ишимни бажариш учун бош қотираман. Атрофдагилар эса ҳар хил гапларни гапиради ва бунга табиий қарайман. Футболда мураббийнинг тақдири шунақа.

Виталий Левченко: "Катта устунликка эришиб якунда мағлуб бўлиш жуда аламли"