- "Metallurg"ni g'alaba bilan tabriklayman. Ular bunga loyiq edi va g'alabani ko'proq istashdi. Bo'lgan ishlardan hulosa chiqarishimiz va ishlashda davom etishimiz kerak.

- O'tkazib yuborilgan gollarda darvozabonning xatoligi salmoqli? Himoyachilarning ko'rsatgan o'yinidan mamnunmisiz?

- O'tkazib yuborilgan gollar - jamoaning umumiy xatosi. Raqiblar gollarini deyarli standartlardan keyin urishdi. Futbolchilarim bilan "Metallurg"ning jarimalardan qanday ishlashini ko'rib chiqqandik. Mana, ko'rish boshqa, uni maydonda amalga oshirish boshqa ish. Shu sababli bu nafaqat Akbar To'raevning, balki, butun jamoaning xatosi. Himoyada to'liqligicha ishlamadik va shunday gollar o'tkazib yubordik. Ikkinchi golda esa darvozabon qutqara olmadi. Bunday holat bo'lib turadi. Bu darvozabonning xatosi deb to'liqligicha ayta olmayman. Lekin, to'g'ri, bu uning to'plari bo'lishi kerak edi.

- "Neftchi" so'nggi o'yinlarda juda ko'p durang qayd etayotgandi. Bugun esa mavsumdagi ilk mag'lubiyatini ham qabul qilib oldi. G'alabalar qozonishga nima halaqit qilmoqda?

- Etibor va koncentraciya etishmayapti. Bazida futbolchilarning kuchi etmay qolyapti. Endigina birinchi davra yakunlanmoqda. Shu sababli bazida futbolchilarda ham ruxan, ham jismonan charchoq alomatlari sezilishni boshlamoqda. Shunday jihatlar yashilansa, g'alaba qozonish mumkin bo'ladi. Gollar uryapmiz, biroq g'alaba qila olmayapmiz. Ayrim joylarda etibor yo'qotilib qo'yilayotgani uchun natijalar shunday bo'lmoqda.

Vitaliy Levchenko: "O'tkazib yuborilgan gollarda butun bir jamoaning aybi bor"