OAV xodimlari o'rtasida o'tkaziladigan ushbu so'rovnomada “Bunyodkor” hujumchisi eng yaxshi deb topildi. Shu munosabat bilan Shodievdan intervyu oldik.

- (Kulib) To'g'risi, noyabr oyining “Eng yaxshi futbolchisi” bo'lganimni hozir sizdan eshitib turibman. Albatta agar shunday bo'lgan ersa, bundan xursandman. Menimcha har qanday futbolchi uchun bu holat yoqimli bo'lsa kerak. Shu jumladan mening ham kayfiyatimni ko'tarib yubordi – deya gap boshladi Vohid Shodiev.

- Ortda qolgan noyabr oyi haqida nima deyish mumkin? Har bir o'yinga jiddiy tayyorgarlik ko'raman doim. O'tgan oydagi uchrashuvlarda murabbiylar menga imkoniyat berdi. Bir necha gollar urdim. Imkoniyatdan unumli foydalandim deb o'ylayman. Men uchun ko'ngildagidek o'tdi desa ham bo'ladi.

- Albatta “Eng yaxshi murabbiyi va futbolchisi” kim bo'lishiga qiziqib, bu haqda saytingizda tanishib boraman. Ammo o'zimning bu so'rovnomada g'olib chiqishimni kutmagandim.

- Bunga menimcha Igor Sergeev ham munosib edi deb o'ylayman. “Paxtakor” va milliy terma jamoamizning asosiy hujumchilaridan biri bo'lgan Sergeev ham bir nechta muhim gollarni urdi.

- Kelajakdagi rejalar borasida aniq bir to'xtamga kelganim yo'q. Dekabr oyining so'nggi kunida “Bunyodkor” bilan amaldagi shartnomam nihoyasiga etadi. Ungacha esa 15 dekabr kuni jamoamning ilk o'quv-mashg'ulot yig'iniga borib, ishtirok etaman. O'ylaymanki shunda hammasi aniq bo'ladi. Rahbariyat va murabbiylar bilan gaplashib, qaytadan muzokara o'tkazilsa kerak – deydi noyabr oyining eng yaxshi futbolchisi Vohid Shodiev.

Islombek Rustambekov.

Vohid Shodiev: “Oyning eng yaxshi futbolchisi bo'lishimni kutmagandim”