Ushbu musobaqaga qura Saudiya Arabistoni poytaxti Ar Riyodda tashlandi. Arab futbol associaciyalari birlashmasi tomonidan tashkil etilayotgan mazkur turnir bu yil 5-marta o'tkaziladi hamda navbatdagi musobaqaga Misr mezbonlik qiladi.

Bu yilgi musobaqa 20 iyun kuni start oladi va 6 iyulga qadar davom etadi. Jami ishtirokchilar 8tani tashkil etyapti. Qura tashlash arafasida "D" guruhidagi oxirgi jamoaning kimligi nomalum edi. Biroq U-20 Arab Kubogining Vikipediya sahifasida to'rtinchi jamoa O'zbekiston yoshlar termasi ekani haqida malumot paydo bo'ldi. Ushbu musobaqada 2003 yilda tug'ilgan futbolchilardan iborat O'zbekiston U-18 terma jamoasi U-20 sifatida ishtirok etadi. Ayni paytda bu jamoada bosh murabbiy Dmitriy Kim hisoblanadi. Unga Ildar Magdeev va Davron Karimqulov yordam berishmoqda.

Shunday qilib guruhlar quyidagicha ko'rinish olgan:

"A" guruhi - Misr, Niger Respublikasi, Mavritaniya, Jazoir.

"B" guruhi - Marokash, Tojikiston, BAA, Djibuti.

"C" guruhi - Senegal, Livan, Iroq, Komoro orollari.

"D" guruhi - Tunis, Yaman, Saudiya Arabistoni, O'zbekiston.

O'zbekiston yoshlar terma jamoasining guruh o'yinlari taqvimi:

21 iyun. O'zbekiston - Saudiya Arabistoni

24 iyun. O'zbekiston - Tunis

27 iyun. O'zbekiston - Yaman

U-20 Arab Kubogi ilk bor 2011 yil Marokashda o'tkazilgan bo'lib, Marokash yoshlar termasi g'alaba qozongan. 2012 yil Iordaniyada tashkil etilgan musobaqada Tunis chempionlikni nishonlagan. Mazkur musobaqa 2013-2019 yillar oralig'ida o'tkazilmadi. O'tgan yil Saudiya Arabistoni mezbonlik qilgan turnirda Senagal U-20 terma jamoasi g'oliblikni qo'lga kiritdi.

Wikipedia U-20 Arab Kubogida O'zbekiston yoshlar terma jamoasi ishtirok etishini malum qildi