Mazkur post saytimizda elon qilingan va bu turli muxlislar o'rtasidagi muhokamaga sabab bo'ldi. Endilikda bunga javoban saytimiz ijodkori, "Lokomotiv" klubi matbuot kotibi Xayrulla Xoliqov o'zining "Futbol va hayot" telegram kanalida munosabat bildirdi.

"Shahboz Beg'amovdan navbatdagi o'ta kulguli va balandparvoz gaplar.
Birinchidan, "Bavariya" hali jahon tugul, Evropa qiroli ham emas. "Bavariya" Germaniyada chempion va Kubok egasi bo'lgan bo'lishi mumkin, lekin hali ECHLni yutmadi.
Jahon qiroli bo'lish uchun oldin ECHLni, keyin UEFA Superkubogini va undan keyin klublar o'rtasidagi jahon chempionatini yutishi kerak bo'ladi.
Ana shu musobaqalarni yutsin, gap yo'q haqiqatan jahon qiroli deymiz va olqishlaymiz", - deyiladi postda.

Eslatib o'tamiz, saytimizning mazkur ikki ijodkori avval ham ko'plab mavzularda o'zaro bahs-munozaraga borishgan.

Qizig'i, Superliganing navbatdagi turida ham aynan mazkur ikkala matbuot kotiblari faoliyat yuritayotgan jamoalar: AGMK - "Lokomotiv" o'zaro to'qnash keladi. Ko'rinishidan, Beg'amov & Xoliqov qarama-qarshiligi Superliga doirasidagi bahsda ham davom etadi.

Xo'sh, o'rinli savol tug'iladi. Sizningcha, jahon futbolida hozirgi kundagi eng barqaror va kuchli jamoa qaysi?

Barchaning o'z fikri bor va hamma fikr bildirishga haqli. Saytimiz o'quvchilaridan mavzuga oid fikr bildirishni va shaxsiyatga doir haqoratli so'zlar ishlatilmasligini so'raymiz.

Xayrulla Xoliqov: "Bavariya" qirol? Beg'amovdan navbatdagi o'ta kulguli va balandparvoz gaplar"