Malumki, Buxoro viloyati Peshku tuman ixtisoslashtirilgan futbol maktab –internati direktori Xislat Shoboev ko'magida tashkil etilgan ushbu selekciya ishlarining maqsadi Respublikadagi yosh istedod egalarini yo'qolib ketishlariga yo'l qo'ymaslik , ularni futbol maktabdagi turli yosh toifasidagi o'quv guruh mashg'ulotlariga jalb etish va yosh iqtidor egalarini qo'llab-quvvatlashdir.

“Har bir viloyat va shaharda selekciya ishlari bo'yicha maktabimiz tomonidan biriktirilgan selekcioner murabbiylar bor.

Ular har oyda maktab rahbariyatiga hisobot –malumot berib borishadi. Ammo vaziyatni voqea joyidan kuzatish va ish jarayonini nazorat qilish maqsadida futbol maktabimiz qoshidagi selekciya ishlari bilan shug'ulanadigan murabbiylarimizni safarlarga yuborayapmiz.

Bizning asosiy maqsadimiz- istedodli yoshlarni saqlab qolish va barcha qulayliklarga ega futbol maktabimizga jalb etish, va ularni terma jamoalar miqyosidagi o'yinchi qilib etishishni qullab-quvvatlash, shu orqali terma jamoalarga nomzod bo'lgan futbolchilar geografiyasini kengaytirishdir”- deydi Buxoro viloyati Peshku tuman ixtisoslashtirilgan futbol maktab –internati direktori Xislat Shoboev.

Qashqadaryo viloyatida bolalar va o'smirlar futbolidagi vaziyati bilan yaqindan tanishib kelgan selekcioner murabbiy Alisher Bozorov safardan faqat ijobiy taassurotlar bilan qaytganini malum qildi.

“Safarda Qashqadaryo viloyati bo'yicha selekcioner murabbiy Alisher Bozorov va G'uzor tuman davlat ixtisoslashtirilgan futbol-maktabi murabbiysi Doston Maxmatqulov bilan Qamashi tuman Bolalar –o'smirlar sport maktabi qoshidagi futbol to'garagi bilan yaqindan tanishib chiqdik.

U erda bo'lib o'tgan Respublika ochiq turnirini ham kuzatdik va musobaqa davomida to'rt besh nafar yosh iqtidorli futbolchilarni ko'z ostimizga olib qo'ydik.

Sport maktabidagi murabbiylar bilan hamkorlikga erishdik. Bu maktab viloyatga ko'plab yosh iqtidorli futbolchilarni etishtirib bermoqda. Viloyatdagi PFK qoshidagi “Nasaf”, “Mashal” “Sho'rtan” “Sevinch” jamoalari va Qarshi olimpiya zahiralari kolleji, G'uzor futbol internatlarida tahsil olayotgan yosh futbolchilar bunga misol bo'la oladi.

Samarali va ijobiy selekciya ishlarimizni boshqa viloyatlarda ham amalga oshirmoqchimiz”, –deydi selekcioner murabbiy Alisher Bozorov.

Faxriddin Choriev.

Xislat Shoboev : “Selekciya ishlarini Qashqadaryodan boshladik”