"The Paper" nashrining yozishicha, hukm 13 dekabr kuni Xubey provinciyasi Syannin shahri oraliq xalq sudi tomonidan chiqarildi.

Tergov natijalariga ko'ra, Li Te 2019 yildan 2021 yilgacha o'z xizmat mavqeidan foydalanib, umumiy qiymati 50,89 mln yuandan (7 mln dollarga yaqin) ortiq pora olgan. Xususan, murabbiy futbolchilarni pul evaziga terma jamoaga kiritgan va klublar bilan shartnoma imzolashda yordam bergan. Li Te bosh murabbiy lavozimini egallash uchun ham korrupcion sxemalarga murojaat qilgan.

So'nggi bir necha yil ichida Xitoyda korrupciyaga qarshi keng ko'lamli kampaniya natijasida nafaqat oddiy amaldorlar, balki yuqori lavozimdagi amaldorlar ham o'z lavozimlaridan mahrum qilinib, panjara ortiga o'tkazilgan.

Li Te – mashhur sobiq futbolchi. "Sheffild Yunayted" va "Everton"da o'ynagan yarim himoyachi Xitoy terma jamoasi tarkibida 89 o'yin o'tkazib, 6 ta gol urgan.

Xitoy terma jamoasi sobiq bosh murabbiyi 20 yilga ozodlikdan mahrum etildi