Okean ortidan kelgan mutaxassis quyi ligaga tushib ketmaslik uchun kurashayotgan "Shtutgart"dan ishdan bo'shatilganidan to'rt oy o'tib, Bundesliganing boshqa bir jamoasida ish boshladi.

Nyu-Jersida tug'ilgan murabbiy "Shtutgart" ustozi bo'lishidan avval "Xoffenxaym"da ikki yil mobaynida 2017 va 2019 yillar oralig'ida bosh murabbiy yordamchisi va yoshlar jamoasi murabbiyi o'rinlarida faoliyat olib borgan.

"Rino nafaqat bizning klubni, balki jamoaning kattagina qismini o'zining tajribasidan biladi. Xuddi shu kabi biz ham uni yaxshi bilamiz va shu tufayli uni bosh murabbiy lavozimiga to'g'ri kelishiga ishonamiz. U bosimga bardosh bera oladi va bunday vaziyatda nima qilish kerakligini biladi", – dedi klub sport direktori.

Mataracco "Shtutgart"ni yuqori divizionga qaytardi va ikki mavsum jamoani ushbu ligada saqladi. Oktyabr oyida mavsumni g'alabasiz boshlaganidan keyin unga chiqish eshiklari ko'rsatilgan edi.

"Xoffenxaym" so'nggi sakkizta o'yinda birorta g'alaba qayd etmagan holda 18 jamoadan iborat turnir jadvalining 14 pog'onasidan joy olgan. Shu sababli jamoaning avvalgi bosh murabbiyi o'z lavozimidan ozod etilgan edi.

Mataracco boshchiligida "Xoffenxaym" birinchi o'yinni shanba kuni "Bayer" Leverkuzenga qarshi o'tkazadi.

"Xoffenxaym" amerikalik Pellegrino Mataracconi bosh murabbiy etib tayinladi