Kunning birinchi yarmida Bahrom Haydarov bosh murabbiyligidagi “Neftchi” jamoasi Samarqandning “Sherdor” jamoasi bilan raqobat olib bordi. Unda maydon egalari Hamidullo Abduhamidov tomonidan kiritilgan yagona gol evaziga g'alabaga erishishdilar. Ikkinchi bo'limning 47-daqiqasida Abduhamidovga nisbatan jarima maydonchasi ichida qoida buzildi. Vaziyatga yaqin turgan hakam penalti belgiladi. Zarbani esa hujumchining o'zi amalga oshirdi va hisobni ochdi. 1:0. Ushbu hisob o'yin oxirigacha saqlanib qoldi va “Neftchi” final yo'llanmasini rasman hal qildi.

Farg'onaliklar Samarqand jamoasiga qarshi o'yinda quyidagi tarkibni maydonga tushishdi:

Asosiy tarkib: 12.Muzaffar Abdullaev, 3.Mirjamol Nematov, 4.Shodiyor Xojimatov, 5.Davron Mamatov, 6.Jamshid Qobulov, 9.Xamidullo Abduxamidov, 11.Idris Bikmaykin, 20. Dilyor Irmatov, 21. Abdujalil Manazarov, 22. Islom Toshpo'latov, 44. Otabek Zokirov

Zaxira: 1. Xurshid Muxammadov, 7.Doston Abdurahmonov, 8. Ilxomjon Vaxobov, 10. Xurshid Asqaraliev, 15. Aziz Muxtorov, 23. Alisher Abduvoxidov, 26. Bobur Isroilov

Orada bir soat o'tib aynan ushbu stadionda ikkinchi yarim final o'yini boshlandi. Unda “Qo'qon-1912”ning asosiy tarkibi “Neftchi” U-18 bilan bellashdi. Aytish kerakki, shu kuni “Neftchi” U-18 safida bir qator tajribali va jamoa ko'rigida bo'lib turgan o'yinchilar ham maydonga tushishdi. O'yin qizg'in tus oldi. Ikkinchi finalchi masalasi o'yin so'nggiga qadar mavhumligicha qoldi. 79-daqiqa qo'qonliklarning legioner futbolchisi Nedo Turkovich standart vaziyatdan so'ng hisobni ochdi. Oradan ko'p o'tmay Shaxboz Erkinov mehmonlarning ikkinchi golini urdi. Yakuniy hisob 0:2. Shu tariqa, finalda “Neftchi” hamda “Qo'qon-1912” jamoalarining asosiy tarkiblari to'qnash kelishadi.

“Neftchi” U-18 qo'qonliklarga qarshi bahsda quyidagi ko'rinishdagi tarkibda o'ynadi

“Neftchi” (U-18): 21. Farrux Turdaliev, 3. Shohjahon Ro'zimatov, 10. Elamon Karimov, 19. Anvar Berdiev, 20. Siroj Hamroev, 23. Ilhom Ibragimov, 24. Ahmad Ro'ziboev, 33. Asliddin Toshtemirov, 35. Abbos Shodmonov, 88. Nodir Kamolov, 99. Ibod Abelfayzov.

Zaxira: Shuhrat Rahmonov, 9. Ozod Komilov, 32. Bobur Isroilov, 34. Aziz Muxtorov, 70. Shahzod Usmonov, 71. Doston Abdurahmonov, 77. Xurshid Asqaraliev, 87. Ilhom Vahobov, 94. Otabek Isroilov.

“Xokim Kubogi”. Yarim final o'yinlari o'tkazildi