Норвегиялик форвард нафақат соч, балки қимматбаҳо кийимлари билан ҳам эътиборни тортган.

Кадрлардан бирида Холанд 690 фунтлик Givenchy жемпери ва 2000 фунт стерлинглик кулранг блазер кийган ҳолда камерага тўғри қараб турганини кўриш мумкин.

Бошқа суратда "Боруссия Дортмунд"нинг собиқ футболчиси 3800 фунтлик кўйлак, 325 фунт стерлинглик жемпер ва қимматбаҳо тақинчоқларини кўз-кўз қилади.

Холанд, шунингдек, ўйин услубларини ёқтирадиган бир нечта ҳужумчи номини санаб ўтди.

"Златан, Ван Перси, Жейми Варди, Серхио Агуэро, Лионель Месси, Альваро Негредо, Эдин Жеко, Марио Балотеллининг ўйинларига ҳавас қилганман.

Эслатиб ўтамиз, Холанд "Манчестер Сити" таркибида 24 ўйинда 27 та гол урди.

Холанд GQ журнали учун сочларини ёйган ҳолда суратга тушди