- Авваламбор, “Динамо” жамоасини ғалаба билан табриклайман. Жамоамиздаги барча йигитларга эса ўйиннинг охиригача курашганликлари учун миннатдорчилик билдираман. Афсуски, футболда омадсизликлар бўлиб туради. Бугун ютсанг, эртага ютқазасан. Бу футбол. Шогирдларимга ўйин давомида курашганликлари ва 200 фоиз куч билан ҳаракат қилганликлари учун раҳмат дейман. Энди навбатдаги ўйинда тайёргарлик кўрамиз.

Биринчи бўлимдан кейин 0:1 ҳисобида ютаётганимизда, футболчиларимга ҳимояга ётиб олмай, рақибни қарши ҳужумда жазолаш лозимлигига кўрсатма бергандим. Йигитлар охиригача яхши ҳимояланишди. Ўйин жуда асабий ва курашлар остида кечгани учун ҳам майдонда қўполликлар ва жазоланишлар кўп бўлди.

Клубимизга раҳбарият томонидан имконқадар яхши эътибор қаратилмоқда. Жамоамизнинг мақсад ва вазифалари ҳақида гапирадиган бўлсам, ҳозирда маҳаллий ёшларга кўпроқ эътибор қаратаяпмиз. Вазифамиз эса “Хоразм” ҳар бир ўйинда ғалаба қозониб, мухлисларни хурсанд этиши учун интилади.

Мавсумнинг иккинчи қисмида “А” гуруҳида ўзгаришлар катта бўлди. Айниқса, “Динамо” таркиби анча кучайтирилди. Қолаверса, барча жамоалар ўзаро ўйинларда бир-бирини енгиши мумкинлигини охирги турлар кўрсатмоқда. Фикримча, Про-Лига баҳслари охиригача мана шундай шиддатли курашлар остида ўтади.

«Хоразм» бош мураббийи кечаги аламли мағлубиятдан сўнг нималар деди?