Unda Urganchning “Xorazm” jamoasi ham o'rin olgan. Xademay, PRO-Ligada ham rasmiy o'yinlar start oladi. Biroq shunga qaramay, “Xorazm” jamoasi yangi mavsumga tayyorgarlikni hozirgacha boshlamasdan turibdi.

Klub vakillari bilan bog'langanimizda, ismini sir tutish sharti bilan aytdiki, jamoada vaziyat ijobiy tomonga o'zgarmagan. Xatto jamoani o'z qarorgohida yig'ib, o'quv-mashg'ulotlarini o'tkazib turishi ham bugungi kunda urganchliklar uchun juda katta muammoga aylangan.

O'tgan mavsum jamoa sharafini himoya qilgan hujumchi Temur Ismoilov Superliga vakili “Andijon”ga o'tib ketgan bo'lsa, 2001 yilda tavallud topgan darvozabon Asrbek Yuldashev bilan yarim himoyachi Muhammadqodir Rahimberganov erkin agent sifatida “Mashal” bilan shartnoma imzoladi. Aytish lozimki, ushbu iqtidorli futbolchilar O'zbekiston yoshlar terma jamoasiga nomzod sanaladi.

“Xorazm” yig'inni qachon boshlaydi?