"Argentinaga qarshi juda qiyin o'yin bo'ldi, sababi raqib jamoa sobiq jahon chempioni va amaldagi vice-chempion hisoblanadi. Afsuski, o'yin davomida ikkita xatoga yo'l qo'ydik va bu bizga qimmaga tushdi. Uchrashuv davomida hujumlarni yakunlashda qiyinchiliklarga duch keldik.
Musobaqa avvalida ilk maqsadimiz pley-off yo'llanmasini qo'lga kiritish edi va buni uddaladik. Ammo keyingi rejalarimiz amalga oshmadi. Argentina yaxshiroq o'yin ko'rsatdi va g'alabaga loyiq edi.
Ushbu mundial davomida ham Braziliya, ham Argentinaga qarshi o'yin o'tkazdik. Bu hazilakam ish emas. Ular chempionlik uchun uch davvogarning ikkitasi sanaladi. Braziliyaga qarshi bahsda ustimizdan muzday suv quyilganday bo'ldi (Xorvatiya ushbu o'yinda darvozasidan 8 ta gol o'tkazib yubordi - tahririyat), ammo o'yindan o'yinga moslashib bordik va Argentinaga qarshi yaxshi o'yin o'tkazdik.
Mazkur jahon chempionati hayratga boy bo'lmoqda. Osiyo jamoalarning saviyasi ancha yuqorilaganiga, shuningdek, har bir o'yin murosasiz o'tayotganiga guvoh bo'ldik. Shu bilan birga, Ispaniya va Portugaliyaning musobaqani erta tark etgani ham ajablantirdi. Umuman olganda, har bir jamoa saviyasi yuqorilamoqda va o'yinlar yuqori darajada o'tkazilmoqda", dedi Mavrovich.

Oqil Abdubarnoev suhbatlashdi.

Xorvatiya bosh murabbiyi: "Braziliyaga qarshi bahsda ustimizdan muzday suv quyilganday bo'lgandi"