- Бу ўйин биз учун жуда ҳам муҳим. Шу боисдан бунда биз яхши натижа қайд этишга ҳаракат қиламиз.

- "Ал Иттиҳод" ОЧЛдаги 3 ўйинда 9 гол уриб, 7 гол ўтказиб юборди. Бу сермаҳсуллик ва бўш ҳимоянинг сабаби нимада?

- Аввало бу бизнинг тизимимиз билан боғлиқ. Биз ҳужумкор жамоамиз ва шу боисдан кўплаб голлар урамиз. Аммо ҳужумкор жамоа ҳимояда бироз бўшлиқларга йўл қўяди. Эртанги ўйинда ҳам биз ҳужумкорликни намойиш этиб, голлар киритмоқчимиз. Аммо ҳимояда бўшлиқларга йўл қўймоқчи эмасмиз.

- Жамоада йўқотишлар борми?

- Албатта, барча жамоаларда бўлгани каби, бизда ҳам муаммолар бор. Аммо биз айни вақтда қўл остимизда бўлган футболчиларга ишонамиз ва улар ўйинларда қатнашишади.

- Жамоа таркибида легионерлар жуда кўп. Аммо ОЧЛга фақатгина 4 нафар хорижликни рўйхатдан ўтказиш мумкин. Бу жамоанинг ўйинига қанчалик таъсир кўрсатади?

- Бизда 9 нафар легионер бор. Барибир биз миллий чемпионатда ҳам уларнинг 4 нафаридан фойдаланамиз. Умуман олганда гап сонда эмас, кимларни ўйнатишда. Биз шунга эътибор берамиз.

- "Ал Иттиҳод" ўз майдонидаги ўйинларни мухлисларсиз ўтказди. Эртага эса ўйинга "Локомотив" мухлислари ташриф буюради. Умуман олганда мухлисларсиз ўйин ва мухлислар билан ўйин қандай фарқ қилади?

- Бизга бу таъсир ўтказмайди. Эртага биз сафарда ўйнаймиз. Мухлислар эса "Локомотив"га мухлислик қилишади. Шу орқали сафарда ҳам ҳудди уйдаги каби ўйнаймиз.

Холид ал-Самири: - Эртага икки томонни ҳам қийин ўйин кутиб турибди. Аммо биз бу ерга 3 очко учун келганмиз. "Локомотив" - кучли таркибга эга бўлган кучли жамоа. Эртанги ўйиндан кейин ҳам биз турнир жадвалидаги ўрнимизни сақлаб қолишга ҳаракат қиламиз.

ОЧЛда мухлисларсиз ўйнаган бўлсак-да, миллий чемпионатда мухлислар билан ўйнаймиз. Эртага биз бу ҳақида ўйламаймиз. Бизга фақатгина яхши натижа керак.

Хосе Луис Сьерра: "Барчада бўлгани каби бизда ҳам муаммолар бор"