Кундузги машғулотдан сўнг бош мураббий Хосе Мария Мендезнинг фикрлари билан қизиқдик.

"Айни пайтда биз ёшлар терма жамоасига номзод ўйинчилар билан танишишимиз, уларнинг имкониятларини кўриб чиқишимиз керак. Бугунги кунда жамоага етарлича номзодларни борлигининг ўзи ютуғимиз. Чунки, 4-5 йил олдин ҳозиргидек 30-40 нафар ёш футзалчилар орасидан номзодларни танлаб олиш имконияти йўқ эди. Бу ерда 20 ёшдан кичик футзалчини топиш жуда қийин эди.

Ўзбекистонда футзал ривожланиб бораётган спорт, бу ерда бошқа мамлакатларга ўхшаб футзал билан 5 ёшдан шуғулланишмайди, балки 18-20 ёшдан мини футбол ўйнашади кўпинча. Ёшлар терма жамоаси билан ишлашда биз бошқалардан анча орқадамиз, лекин бу биринчи ва Ўзбекистон футзалини ривожлантиришдаги қадам.

Бу ҳафтада асосан ёш футзалчиларни айни пайтда нималарга қодирлигини кўриб чиқамиз, ушбу йиғинни шунинг учун ташкиллаштирдик. Йиғин доирасида Тожикистон ёшлар терма жамоасига қарши ўйинларда мени натижа умуман қизиқтирмайди. Муҳими, биз ўз ишимизни қилишимиз, ўйлаган режаларимизни амалда кўришимиз ва ўсишимиз керак", - дейди жаноб Мендез.

Хосе Мария Мендез: "Тожикистонга қарши ўйинда натижа мени қизиқтирмайди"