Афсуски, ана шу учрашувни асосий таркибда бошлаган лондонликлар марказий ҳимоячиси Ян Вертонген баҳсни охиригача етказа олмади. Беллашувнинг 31-дақиқасида амстердамликлар жарима майдончасида тўп учун ҳаводаги курашда жамоадоши Тоби Алдервейрелд ва меҳмонлар посбони Андре Онана билан тўқнашиб кетган ҳимоячи жароҳат олди. Яннинг бурни ташқи томондан қонаб кетди, катта эҳтимол бурни йиртилди.

Бундан ташқари, футболчи танасининг белдан юқори қисмида ҳам кучли оғриқ сезаётганини пайқаш қийин эмасди. Ян майдонга қайтди ва ўйинни давом эттирмоқчи бўлганди, аммо оғриқ бунга имкон бермади.

Ҳозирча, жароҳатнинг қай даражада эканлиги ва ташхиси маълум эмас. Катта эҳтимол кундуз куни бу ҳақда "Тоттенхэм" матбуот хизмати хабар беради. Биз эса бельгияликка саломатлик тилаб қоламиз.

Ян Вертонген "Аякс"га қарши ўйинда жароҳат олди