Sport24 xabariga ko'ra, Germaniya terma jamoasining sobiq bosh murabbiyi Yoaxim Lev haqiqatan ham O'zbekiston futbol associaciyasi bilan muzokaralar olib bormoqda. Biroq, hozirgi bosqichda bosh murabbiylik lavozimi emas, balki maslahatchi roli muhokama qilinmoqda.

"Tomonlar o'rtasida aloqa o'rnatilgan, Lev hamkorlikka tayyor. Ammo hozircha uni bosh murabbiy etib tayinlash masalasi ko'tarilmayapti. O'zbekiston unga terma jamoaning jahon chempionatiga tayyorgarligini nazorat qiluvchi maslahatchi rolini taklif etdi," - deb aytdi mutaxassisga yaqin manba.

"O'FA ichida yagona fikr yo'q. Bazi rasmiylar terma jamoaga Jahon chempionatida taniqli mutaxassis kerak, deb Levni bosh murabbiy sifatida taklif etishni talab qilmoqda. Ammo federaciyadagilarning boshqa qismi Timur Kapadzeni saqlab qolish tarafdori: aynan u jamoani mundialga olib chiqqan. Kapadzening o'zi yordamchi bo'lishni istamaydi va agar Lev jamoa boshiga tayinlansa, ketishi mumkin," - deya qo'shimcha qildi ikkinchi suhbatdosh.

Manbalarga ko'ra, tomonlar o'rtasidagi maslahatlashuvlar davom etmoqda: Levning O'zbekiston terma jamoasi shtabidagi roli muhokama qilinmoqda.

Yoaxim Levga yaqin manba O'zbekiston bilan muzokaralar bo'layotganini tasdiqladi, murabbiyga maslahatchi lavozimi taklif qilingan – Sport24