“Paxtakor” bilan o'yin esa Nizomiddinov shogirdlari uchun katta ahamiyat kasb etardi. Buni tushungan futbolchilarimizni uchrashuvni ancha faol tarzda boshlashdi.

5-daqiqada jamoamiz vakillari xavfli vaziyatni yuzaga keltirishdi. Doston Meliqo'zievga biroz tezlik etishmadi. Aks holda u darvozabon bilan birga-bir vaziyatga chiqib borardi.

15-daqiqada mehmonlar hisobni ochishdi. Jarma maydonchasi ichida yolg'iz qolgan Islom Karimov darvozamizni qiyinchiliksiz ishg'ol qildi.

27-daqiqada vakillarimiz jarima to'p tepish huquqiga ega bo'lishdi.

Muhammadanas Hasanovning kuchli zarbasini “Paxatkor” posboni qiyinchilik bilan bartaraf etdi.

37-daqiqada Muhammadanas Hasanovning jarimadan tepgan to'pi avval darvozabonga keyin darvoza to'siniga tegib qaytdi.

Birinchi taym mehmonlarning kichik ustunligida yakuniga etdi.

Ikkinchi bo'limni o'rinbosarlarimiz ancha faolllik bilan boshlashdi. Ilk daqiqalardan raqib darvozasi oldida xavfli vaziyatlar vujudga keltirishdi.

65-daqiqada o'rinbosarlarimizda hisobni tenglashtirish uchun qulay imkoniyat yuzaga keldi. Doston Meliqo'ziev darvozabon bilan yakkama-yakka chiqib borib zarba berdi. “Paxtakor” posboni o'z o'rnida.

Shu kuni jamoamiz tomonidan ijro etilgan jarima zarbalari ancha xavfli bo'ldi. 73-daqiqadagi jarima to'pidan keyin hisob tenglashishi mumkin edi. Ammo yana omad mehmonlarga kulib boqdi.

Shu tariqa, o'rinbosarlarimiz ikkinchi davraning ikkinchi bahsida mag'lubiyatga uchrashdi. Muhsin Nizomiddinov shogirdlari navbatdagi turni safarda “Andijon”ga qarshi o'tkazishadi. Uchrashuv 12 avgust kuni bo'lib o'tadi.

Yoshlar ligasi

17-tur

“Qo'qon-1912” – “Paxtakor” 0:1 (0:1)

Hakamlar: I. Gormashov, R. Tolibjonov, Q. Sobirov, N. Toshmatov.

Gol: Islom Karimov-15.

“Qo'qon-1912”: 1. Ruslan Matniyazov (30. Islom Abdullaev-46), 5. Ibrohim G'ofurov, 6. Bahodir Akramov (17. Mirto'ra Akbarov-52), 7. Ibrohim Usmonov (49. Dilshod Baratov – 29), 9. Doston Meliqo'ziev, 10. Abror Rahmonov (88. Ibrohim Muxtorov-63), 15. Sardor Isaqov (18. Baxtiyor Abdumannonov-83), 20. Shoxrux Xolmatov (8. Iskandar Alimboev-78), 22. Muhammadanas Hasanov, 27.Ismoil Oxunjonov, 91. Iqror Rahimov (28. Abdullox Olimov-46).

“Paxtakor”: 1. Xojiakbar Jo'raev, 5. Jamshid Boltaboev (7. Akobir To'raev-46), 6. Abbos Otaxonov, 8. Islom Karimov (15. Ravshan Xursanov-54), 10. Jasur Hakimov (18. Andrey Sidorov-46), 19. Temur Tolipov (34. Bobur Asqarov-56), 21. Bexruz Sadullaev (4. Ibrohim Yo'ldoshev-70), 22. Grigoriy Ahmedov, 23. Doniyor Hoshimov, 29. Sabit Sindarov (26. Ibrohim Turg'unboev-90), 38. Jamshid Yusupov.

Zaxira: 12. Nodir Xamidov

Yoshlar ligasi. "Qo'qon-1912" - "Paxtakor" 0:1