"Оғир ўйин бўлди. Учрашувни яхши бошладик, биринчи бўлимда икки-учта қулай имкониятга эга бўлдик. Аммо на биринчи, на иккинчи бўлимда имкониятлардан фойдалана олмадик. Беллашув сўнгида эса гол ўтказиб юбордик ва 1:2 ҳисобида мағлуб бўлдик.
Ҳозирда энг катта муаммо – жисмоний ҳолат. Эндиликда ғалаба қозониш йўлларини қидиришимиз керак. Лекин биз таслим бўлмаймиз. Курашиб, кейинги ўйинда ғалаба қозонишга ҳаракат қиламиз.
Биз кўпроқ диққат-эътиборли бўлишимиз керак, бу нафақат ҳимоячилар, балки барча ўйинчиларга тегишли, бутун жамоа майдонда тўпни яхшироқ назорат қилиши лозим, шундагина ўйин сифати яхшиланади", деди хорватиялик футболчи.
