Мусобақа ярим финалида "Evil Geniuses" OGга қарши куч синашди, аммо "ёвуз даҳолар" Европа вакиллари (OG)га 0:2 ҳисобида мағлуб бўлишди. Россиялик дота усталари "Virtus.pro" навбатдаги ярим финалда "Invictus Gaming"га имконият қолдирмади (2:0).

3 та ғалабагача давом этадиган финал учрашуви ҳис-туйғуларга бой ўтди. Илк ўйинда OG ғалаба қозонган бўлса, кейинги икки баҳсда россияликлар зафар қучишди. OG қийин вазиятдан чиқиб кетди ва ҳисобни тенглаштирди (2:2). Сўнгги, ҳал қилувчи учрашув деярли бир соат давом этди (59 дақиқа, 32 сония). OG охирги баҳсда Treant Protector, Dazzle, Centaur Warrunner, Troll Warlord ва Timbersaw қаҳрамонларини танлади. "Virtus.Pro" эса Warlock, Legion Commander, Enchantress, Alchemist, Outworld Devourer қаҳрамонлари билан ўйнади. 40 дақиқа ўйинда устунлик қилган россияликлар, баҳснинг сўнгги 20 дақиқасида имкониятни қўлдан бой беришди. Кутилмаган камбэк "Virtus.Pro"ни шошириб қўйди ва 3 та томондан рақиб базасига кириб борган OG ғалабани қўлга киритди. Шундай қилиб, OG жамоаси турнирда 1 млн. доллар соҳибига айланди.

Совринли ўринлар:

1. OG - 1 000 000 $

2. Virtus.pro - 500 000 $

3-4. Invictus Gaming, Evil Geniuses - 250 000 $ дан

"Ёвуз даҳолар"ни таслим этган OG финалда русларга ҳам имкон бермади