Musobaqa yarim finalida "Evil Geniuses" OGga qarshi kuch sinashdi, ammo "yovuz daholar" Evropa vakillari (OG)ga 0:2 hisobida mag'lub bo'lishdi. Rossiyalik dota ustalari "Virtus.pro" navbatdagi yarim finalda "Invictus Gaming"ga imkoniyat qoldirmadi (2:0).

3 ta g'alabagacha davom etadigan final uchrashuvi his-tuyg'ularga boy o'tdi. Ilk o'yinda OG g'alaba qozongan bo'lsa, keyingi ikki bahsda rossiyaliklar zafar quchishdi. OG qiyin vaziyatdan chiqib ketdi va hisobni tenglashtirdi (2:2). So'nggi, hal qiluvchi uchrashuv deyarli bir soat davom etdi (59 daqiqa, 32 soniya). OG oxirgi bahsda Treant Protector, Dazzle, Centaur Warrunner, Troll Warlord va Timbersaw qahramonlarini tanladi. "Virtus.Pro" esa Warlock, Legion Commander, Enchantress, Alchemist, Outworld Devourer qahramonlari bilan o'ynadi. 40 daqiqa o'yinda ustunlik qilgan rossiyaliklar, bahsning so'nggi 20 daqiqasida imkoniyatni qo'ldan boy berishdi. Kutilmagan kambek "Virtus.Pro"ni shoshirib qo'ydi va 3 ta tomondan raqib bazasiga kirib borgan OG g'alabani qo'lga kiritdi. Shunday qilib, OG jamoasi turnirda 1 mln. dollar sohibiga aylandi.

Sovrinli o'rinlar:

1. OG - 1 000 000 $

2. Virtus.pro - 500 000 $

3-4. Invictus Gaming, Evil Geniuses - 250 000 $ dan

"Yovuz daholar"ni taslim etgan OG finalda ruslarga ham imkon bermadi