“Evropa Chempionlari ligasi final o'yini bu hazilkam bellashuv emas. Ushbu o'yinda jamoangni zafar sari boshlab tushish uchun mashg'ulotlarda o'z bilimingni shogirdlaringga uqtira olish shart. Ammo eng muhimi xotirjamlikni saqlab qolish shart. Men avvalgi final o'yinida juda emociyaga berilganim rost.

Bunday muhim finallarda ishtirok etish har doim ham nasib etavermaydi. Men oldingi finalda ishtirok etganimda shuni his qilganman. O'shanda judayam kuchli raqibimizga qarshi fantastik o'yin ko'rsata olganmiz. O'sha o'yindan keyin menda yana bir marta shunday imkoniyat tug'ilishini his qilganman. Va mening yigitlarim menga shunday imkoniyatni taqdim etishdi.

Zidan futbol tarixidagi beshta eng yaxshi futbolchidan biri. Men “Liverpul”da u “Real”da ishlaganidan ko'proq vaqt mobaynida ishlab kelayapman. Ammo u necha marta ECHLni qo'lga kiritganiga etibor bering. U tug'ma jangchi. Biz ikkimiz ham finalda va ertaga nima bo'lishini maydonda ko'ramiz.

Bu kabi bellashuvlarda tajriba juda muhim. O'yindan oldin tashabbus “Real” tomonida. Ammo hammasi maydonda hal bo'ladi. “Real” juda kuchli raqib. Ammo ular hali biz bilan to'qnash kelishmadi.

Biz finaldamiz, chunki biz “Liverpul”miz. Bunaqa o'yinlarda o'ynash jamoaning “qon”ida bor. Ular katta g'alabalarga o'rganishgan.

Bu mavsum Muhammad Saloh uchun darhaqiqat ajoyib o'tdi. Keyinngi bir necha yil uning Ronaldu yoki Messi darajasiga chiqa olishini ko'rsatib beradi. Ertangi bahs oldidan bir qator futbolchilarimiz asabiylashishadi. Bu normal holat. Bu shunchaki o'yin. Ammo o'ta muhim o'yin.

G'alaba uchun har ikkala jamoaga omad oz bo'lsa ham lozim bo'ladi. Maydonda ro'y berishi mumkin bo'lgan har qanday holatga tayyor bo'lish lozim. Biz o'zimizning imkoniyatlarimizni bilamiz va bundan mamnunmiz”, deydi Klopp.

Yurgen Klopp: “Real juda kuchli, ammo hali biz bilan to'qnash kelmadi”