“Biz “Tottenxem” bilan qanday o'ynash lozim bo'lsa, shunday o'ynadik. Biz birinchi bo'limda hujumda, ikkinchi bo'limda himoyada ideal o'yin ko'rsatdik. Bundanda ko'proq gol urishimiz ham mumkin edi. Bir qator futbolchilarimiz juda chiroyli harakat qilishdi. Biz o'zimiz tushib qolgan vaziyatdan, birgalikda, hamjihatlikda chiqib ketishimiz lozimligini tushunib turibmiz.

Xenderson, Veynaldum va Firmino jismoniy tomondan juda yaxshi o'yin o'tkazishdi. Bizga qarshi himoyalanish juda qiyin edi. Sababi xuddi mavsum boshidagidek 4-5 futbolchimiz bir vaqtda bitta zonada paydo bo'lishdi. Bizda bundan yaxshiroq o'ynash imkoniyati bor. Keyingi uchrashuvimiz “Lester”ga qarshi va biz bu uchrashuvga munosib hozirlik ko'rishimiz lozim”, deydi Klopp.

Yurgen Klopp: “Tottenxem” bilan qanday o'ynash lozim bo'lsa, shunday o'ynadik”