Ikkinchi davraga tayyorgarlik ko'rayotgan farg'onaliklar Toshkentdagi yig'in doirasida "Yangier-quruvchi"ga qarshi nazorat uchrashuvi o'tkazmoqda.
O'yin avvalida vodiy jamoasini uzoq muddat boshqargan Yuriy Sarkisyan "Bunyodkor" akademiyasi maydoniga tashrif buyurdi.
"Yigitlar, men nima ham deya olaman. Hayotda nimaga erishgan bo'lsam, barchasiga "Neftchi" sababchi bo'lgan. Futbolchi sifatida ham, murabbiy sifatida ham ushbu klub bilan muvaffaqqiyat sari qadam qo'yganman. Ko'pchilik menga qo'ng'iroq qilib, kimga muxlislik qilishimni so'rashadi. Kimga ham muxlislik qilishim mumkin? Men bungacha va bundan keyin ham faqat va faqat "Neftchi"ga muxlislik qilaman. Menga jamoada qanday rahbariyat ishlaganining nima farqi bor, men hamisha "Neftchi" bilan birgaman. Sizlarni ortda qolgan bayram bilan tabriklayman. Kelayotgan ikkinchi davra sizga omadli kelsin. Men har doim ushbu jamoaga muxlislik qilganman va bundan keyin ham muxlis bo'lib qolaman. Buni yodda tutishingizni istayman. Jamoani kim boshqarishi, unda kimlar ishlashi ahamiyatsiz - "Neftchi" hayotimning bir parchasi bo'lib qoladi. Sizlarga omad tilayman!" - dedi Yuriy Vazgenovich.
Shundan so'ng Sarkisyan yaqinda "Neftchi" bosh murabbiyi etib tayinlangan Vitaliy Levchenkoga to'n kiydirdi va uning kelgusi faoliyatida omad tiladi.
Izohlar