"Ювентус" Родриго Де Пауль трансфери масаласида "Атлетико" билан боғланди. Бу ҳақда "Tuttosport" хабар бермоқда.

Қизиғи шундаки, аргентиналик ярим ҳимоячи клубини ўзгартиришга қарши эмас, "матрасчилар" бош мураббийи ҳам трансферга рози.

Бироқ "бьянконери"да трансферни амалга ошириш учун молиявий имкониятлар йўқ, шунинг учун улар Жунтолини футболчининг ижараси бўйича музокара ўтказиш учун Мадридга жўнатишди.

"Ал Аҳли" ёзда Де Пауль учун 30 миллион евродан кўпроқ таклиф қилган, бироқ Родригонинг ўзи бунга рози бўлмаганди. Transfermarkt ҳозирда ярим ҳимоячини 40 миллион еврога баҳоламоқда.

"Ювентус" "Атлетико" ярим ҳимоячиси трансфери бўйича музокараларни бошлади