Manbaning xabariga ko'ra, “keksa senora” tarkibiga parijliklar himoyachisi Leyvin Kurzava kelib qo'shilishi mumkin. Buning evaziga turinliklar himoyachisi Mattia de Shilo esa PSJ safini to'ldiradi. Klublar hozir ushbu transfer borasida muzokarani boshlab yuborishgan. Kurzava yaqin bir necha kun ichida Italiyaga yo'l olishi kutilmoqda.

Joriy mavsumda De Shilo “Yuve” safida 9 ta uchrashuvda maydonga tushgan. Futbolchining turinliklar bilan kelishuvi 2022 yilning yoziga qadar mo'ljallangan. Futbolchining transfer bozoridagi narxi 12 millionga baholanmoqda.

27 yoshli Kurzava PSJ safida 14 ta uchrashuvda 1 ta golli uzatmani amalga oshirgan. Himoyachning Parij klubi bilan shartnomasi joriy yilning yozida yakuniga etadi. Futbolchining transfer bozoridagi narxi 15 million evroga teng.

“Yuventus” va PSJ o'zaro futbolchilarini almashtirishlari mumkin