Sababi “Metallurg”ning 24 yoshli posboni joriy yildan boshlab elitada o'ynamoqda. Garchi oliy liga ilk mavsumi bo'lsada Safaev o'zidan yomon taassurot qoldirmadi deyish mumkin. Har xolda u 17ta o'yin o'tkazdi. Yaqinda Zafar bilan suhbatlashib, bir qator savollarga javob oldik.

- Zafar, oliy ligada bu yildan o'ynay boshladingiz. To'g'risi, ko'pchilik siz haqida to'liq malumotga ega emas. Shu bois o'zingizni yordamingiz asosida bunga oydinlik kiritib olsak.
- Kamina 1991 yilning 24 iyun kuni Toshkent shahrida tug'ulganman. Birinchi murabbiyim Krasnagorov Nikolay Vasilevich bo'ladi. Katta futbolga sobiq “Quruvchi” jamoasi orqali kirib kelganman. Keyinchalik “Bunyodkor”ning o'rinbosarlariga taklif etishgan.

- “Metallurg”ga kelib qolishingiz qanday amalga oshgan?
- Ayni paytdagi klubimga kelishim esa shu yilning qishida amalga oshdi. Mamur Ikromov “Lokomotiv” safiga qo'shilganida. Men “Bunyodkor”da safida edim. Qishki yig'inda biz “Metallurg”ga qarshi o'rtoqlik uchrashuvini o'tkazganmiz. Aftidan shu o'yinda o'zimni yaxshi tarafdan ko'rsatgan bo'lsam kerak. Keyin murabbiylar jamoaga taklif etgandi. Menimcha “Metallurg”ga o'tishimga shu omillar sabab bo'ldi.

- Yil boshida jamoaning asosiy posboni Mamur Ikromov “Lokomotiv”ga ko'chib o'tgach, siz va Sultonovga asosiy tarkibga kirish uchun yo'l ochildi. Fikrimizga qo'shilasizmi?
- Albatta qo'shilaman, yo'l ochildi. Mamur Ikromovni tajribali darvozabon deb bilaman.

- Mavsum-2015 siz uchun qanday o'tdi deb o'ylaysiz? Plyus va minus jihatlarga to'xtalib o'tsangiz?
- Men uchun bu mavsum yaxshi o'tdi deya olaman. Salbiy holat yuz bermadi. Aksincha faqat ijobiy xolat bo'ldi.

- “Metallurg”da posbonlar bilan Alisher Ahmedov ishlamoqda. Ushbu mutaxassisning ish uslubi va u bilan ishlash sizga yoqadimi?
- Alisher Ahmedovning ish uslublari zo'r. Har bir mashg'ulotga yangilik kiritadi. Shu bois rang-barang deyish mumkin. Turli hil yangi mashqlarni qilamiz. Mashg'ulotlarda ko'pincha bir hillikdan qochadi. Bizga ham shunisi yaxshi. Shuning uchun bemalol aytamanki Alisher aka bilan ishlash menga yoqadi.

- Bu yil o'tkazib yuborgan gollaringizda qaysilarida ko'proq o'zingizni aybdor his etdingiz?
- “Navbahor”ga qarshi Bekobodda bo'lib o'tgan o'yinda hisob 1:2 bo'layotgan edi. Vaziyatlarning birida kerak emas xatoga yo'l qo'ydim. Shundan so'ng hisob 1:3 bo'ldi. Bu golda 100% mani xatoyim bo'ldi. Buni tan olaman.

- Bu yil jami 17ta o'yinda maydonga tushib, 23ta gol o'tkazib yubordinggiz. Ko'p emasmi?
- To'g'ri, bu mavsumda juda ham ko'p gol o'tkazib yubordim. Nasib qilsa keyingi yil gol o'tkazmaslikka xarakat qilaman.

- Garchi bu yil oliy ligada debyut mavsumingizni o'tkazgan bo'lsangizda, “Metallurg”ning asosiy posboniga aylana oldingiz. Bunga qanday va nimaning evaziga erishdingiz?
- Bizda asosiy yoki zaxira o'yinchisi degan tushuncha yo'q. Hammaga bir xil munosabatda qaraladi. Kim o'yinga yaxshiroq tayyor bo'lsa, o'sha o'yinchi maydonga chiqadi.

- Kelasi yil sizni o'z safida ko'rishni istayotgan jamoalar bo'lyaptimi?
- Yashirmayman takliflar bor. Lekin kelasi yil xam “Metallurg”da qolmoqchiman. Shu bois bu haqda aytishdan naf yo'q.

- Bu yilgi mavsumda qaysi hamkasblaringizni o'yini sizga ko'proq yoqdi?
- Bu borada Murodjon Zuhurovni aytgan bo'lardim. “Bunyodkor” posboni bu yilgi mavsumda nazarimda juda yaxshi o'ynadi.

- O'zingiz ishtirok etgan o'yinlar orasida ko'proq qaysilarida qiynaldingiz?
- Eng ko'p qiynalgan o'yinim bu – Qarshida “Nasaf”ga karshi kechgan uchrashuvdir. Yodingizda bo'lsa o'shanda biz 1:0 hisobida g'alaba qozongandik.

- Keyingi yil chempionatimizda xorijlik posbonlar ishtirok etmasligi rasman tasdiqlandi. Bunga munosabatingiz qanday?
- Xorij darvozabonlarining chempionatimizda ishtirok etmasligi, menimcha hech qanday ahamiyatga ega emas. O'ylaymanki o'zimizning darvozabonlarimiz ham xorijliklardan sir qolishmaydi.

Islombek Rustambekov suhbatlashdi.

Zafar Safaev: “Ortda qolgan mavsumdan ko'nglim to'ldi”