Yani bungacha “qaldirg'ochlar” darvozasiga birorta ham to'p kirita olmagan “gazchilar” shu kuni quruq seriyaga barham berish bilan bir qatorda ilk g'alabasini ham nishonladi. Uchrashuvda “Mashal”ga g'alaba keltiruvchi gol muallifi bo'lgan Zafar To'raev o'yindan keyin o'z fikrlari bilan o'rtoqlashdi.

- Ushbu turda o'z maydonimizda ochko yo'qotmaslikka xarakat qilgandik. Chunki o'zingiz bilsangiz kerak, oldingi uchrashuvlarda imkoniyatni boy bergandik. Shu bois “Bunyodkor”ga qarshi bahsga puxta tayyorgarlik ko'rib, muxlislarimizni quvontirishni maqsad qilgandik.

- O'yin juda qiyin kechdi. Lekin g'alaba qozonganimizni barcha qiyinchiliklarni yuvib yubordi. Juda xursandmiz. Tarixda ilk bor “qaldirg'ochlar”ni mag'lub etdik. Shu kungacha “Mashal” ushbu jamoaga qarshi o'yinlarda xatto gol kirita olmay kelayotganini bilardik. Noxush ananalargi chek qo'yganimizdan mamnunmiz. Bizga bitta g'alaba zarur edi. O'ylaymanki ushbu muvaffaqiyatdan so'ng yigitlarning ruhiy tomondan kayfiyati ham ko'tariladi va keyingi o'yinlarga yanada jiddiy tayyorgarlik ko'riladi.

- Ochig'ini aytganda, “Bunyodkor” bilan durang o'ynash ham biz uchun ijobiy natija edi. Ammo raqib maydonda bir kishi kam bo'lib qolgach, g'alaba haqida o'yladik va niyatimizga etdik. Jamoaviy o'yin evaziga yutdik deb o'ylayman. Lekin “qaldirg'ochlar” ham juda kuchli va yaxshi jamoa – deydi Zafar To'raev.

Islombek Rustambekov.

Zafar To'raev: “Raqib bir kishi kam bo'lib qolgach, g'alaba haqida o'yladik”