Гап шундаки, стадион ўриндиқларига қачон сув тегиб артилганини билиш жуда қийин. Агар буни археологлар келиб аниқлаб бермасалар, чангни қўлингизда артиш орқали, унинг қалинлигидан келиб чиқиб бу ерга сўнгги маротаба қачон фаррошнинг қўли теккан экан деб юборасиз.

Ўзбекистон олимпия терма жамоасини "Машъал" билан бўлиб ўтган ўйинида кузатилган бу аянчли ҳолат, МТЖ ва ОТЖ ўйини олдидан бартараф этилса керак деб ўйлаган эдик. Афсуски адашган эканмиз.

Энг қизиғи "Оқ-Тепа" ва "Насаф" жамоалари ўртасидаги ўйин ҳам шу стадионда бўлган ва бунинг учун пойтахтликлар кичик бўлмаган суммани тўлаб ҳам берганлар. Шунда ҳам ҳеч бўлмаса ВИП ўриндиқлар артилмаган.

Ўз пайтида не-не юлдузларни кўрмаган бу стадионга кириб ҳозир футбол томоша қилишни алергияси бор мухлисларга ман этиш керак. Келинг, яхшиси буни суратларда томоша қиласиз.

ВИПга кирган одам, ВИП даражасида ўтириши керак...

Лекин ВИПдаги манзара бундай бўлса. Бир киши айтга экан: - яхши ҳам осмонда сигирлар учмайди...

ЖАРда ОАВ учун шароит йўқ ҳисоби. Манави чанг босган ойнали деворда ОАВ вакиллари ўйин суратини чизиб бемалол таҳлил қилсалар бўлади...

Ўйинга келган 1000 нафарга яқин мухлисларнинг деярли барчаси уйларига қўшимча иш олиб бордилар. Кимдир онасига, кимдир синглисига, яна кимдир аёлига шимларини ювиб беришни илтимос қилган бўлсалар ажаб эмас...

Бу сиз ўйлаган нарса эмас! Стадионда фаррош йўқ деб бўлмайди. Тушлик вақтида ювилган гиламларни қуритиш учун трибунага осиб қўйишган экан. Шунақанги хунук манзара, асти қўяверасиз. Лекин бундан айрим ишқибозлар унумли фойдаландилар...

"ЖАР" стадионида фаррошлар йўқми?