Klub afsonasi "qaymoqranglilar"ni murabbiy sifatida 263 o'yinga boshlab tushdi va 11 ta kubok olib berdi. Statistika: 174 g'alaba, 53 durang, 36 mag'lubiyat (to'plar nisbati - 605:267).

Zidan "Real" boshqaruviga 1-marta kelganida imkonsizdek tuyulgan ishlarni amalga oshirgani yodingizda. Franciyalik mutaxassis "Real" bilan qatorasiga 3 bor ECHLda zafar quchishi mumkin, ammo bazi hamkasblarini engish unga hozircha armon bo'lib qolyapti. Zidanning muvaffaqiyatlari haqida ko'p gapirilgan. Biz bugun u "oshib o'tolmagan dovonlar" haqida malumot berishga qaror qildik.

Rasman: "Real" Zidanning istefosini elon qildi

Tomas Tuxel

Germaniyalik murabbiy Zidanning qarshisiga "Borussiya", PSJ va "Chelsi" bilan 6 bor chiqqan, biror marta yutqazmagan. Statistika: 6 o'yin - 2 g'alaba, 4 durang (to'plar nisbati - 19:15).

Ushbu murabbiylar orasidagi so'nggi to'qnashuv ECHLning joriy mavsum yarim finalida sodir bo'lgan.

Chelsi (Angliya) – Real Madrid (Ispaniya) 2:0
6 may, 00.00, "Stemford Bridj"
Gollar:
1:0 – 28 Verner, 2:0 – 85 Maunt.
Chelsi – Mendi, Aspilikueta (Jeyms, 88), Tiago Silva, Ryudiger, Chiluell, Maunt (Ziesh, 88), Jorjino, Xavertc (Jiru, 90), Kante, Kristensen, Verner (Pulishich, 67).
Real Madrid – Kurtua, Ramos, Militao, Nacho, Mendi (Valverde, 63), Kroos, Modrich, Vinisius Junior (Asensio, 63), Kazemiro (Rodrigo, 76), Azar (Mariano Dias, 89), Benzema.
Ogohlantirishlar:
Jorjino (14), Ramos (37), Kristensen (39), Nacho (62), Kroos (72), Maunt (87), Valverde (90).

Xose Anxel Siganda

Mazkur murabbiy 2017-2018 yilgi mavsumda Bilbaoning "Atletik"ini boshqargan edi. O'shanda Sigandaning shogirdlari "Real"ga qarshi o'tkazilgan har ikki o'yinda durangga erishgan. Statistika: 2 o'yin - 2 durang.

Maurisio Pochettino

Argentinalik murabbiy "Tottenxem" ustozi sifatida Zidanning "Real"i bilan 2 marta to'qnashgan. Har ikki o'yin ECHLning 2017-18 yilgi mavsum guruh bosqichida ro'y bergan. O'shanda Madriddagi o'yin durang (1:1) bilan yakunlanagan bo'lsa, Londonda "shporlar"ning qo'li balan kelgan edi (3:1).

Tottenxem (Angliya) – Real Madrid (Ispaniya) 3:1
2 noyabr, 00.45, "Uembli"
Gollar:
1:0 – 27 Alli, 2:0 – 56 Alli, 3:0 – 65 Eriksen, 3:1 – 80 Ronaldu.
Tottenxem – Loris, Alderveyreld (Sissoko, 24), Sanches, Vertongen, Tripper, Eriksen, Dayer, Uinks (Dembele, 66), Devis, Alli, Keyn (Lorente, 79).
Real Madrid – Kasilya, Xakimi, Nacho, Ramos, Marselo, Kazemiro, Modrich (Teo, 81), Kroos, Isko (Asensio, 74), Benzema, Ronaldu.
Ogohlantirishlar:
Dembele (89), Ramos (90).

Luish Kashtru

Portugaliyalik mutaxassis Zidan bilan ECHLning joriy mavsumida 2 bor to'qnash keldi. O'yinlarning har ikkovida Doneckning "Shaxtyor" jamoasi g'alaba qozondi. Statistika: 2 o'yin - 2 g'alaba (to'plar nisbati - 5:2).

Pep Gvardiola

Zidan murabbiy sifatida katta sahnaga chiqqanidan beri uni Pep bilan solishtirishadi. So'nggi 5 yildagi natijalar hisobga olinsa, Zinedin ispaniyalik hamkasbidan 1 emas, 3 qadam oldinda. Ammo, o'zaro to'qnashuvlar masalasida francuzning tili biroz qisiqroq. Pep "Siti" bilan Zidanning "Real"iga qarshi 2 o'yin o'tkazib, 100 foizlik natija qayd etgan. Statistika: 2 o'yin - 2 g'alaba (to'plar nisbati - 4:2).

P.s.: Materilni yozishda franciyalik mutaxassisga qarshi 2 va undan ortiq o'yinlarda to'qnashgan murabbiylarning natijalarigina hisobga olindi.

Zidan "Real"dan ketdi. U qaysi hamkasblari oldida "shlyapasini echadi"?