Transferlar oynasida faol harakat qilayotgan jamoa o'z tarkibiga bir qator mahalliy tajribali futbolchilarni qo'shib olmoqda. O'tgan mavsumni "Buxoro"da o'tkazgan Zohir Pirimov ham qishki yig'in chog'ida termizliklar safini to'ldirdi. Jamoaning bugungi mashg'ulotidan so'ng futbolchining fikrlari bilan qiziqdik.

"Yangi mavsumga tayyorgarlik rejadagidek ketyapti. Mashg'ulotlarda asosan jismoniy holatni yaxshilash ustida ishlamoqdamiz. O'ylaymanki, chempionat startida ajoyib sport formasida bo'lamiz.
Ha, "Buxoro"ni tark etishim jamoadagi o'zgarishlar bilan bog'liq. Klubdan menga hech kim aloqaga chiqmadi. Lekin o'zimni ham qolish niyatim yo'q edi. Faoliyatimni Superligada davom ettirishni istayman. Hozircha "Surxon" jamoa sifatida asta-sekin shakllanmoqda. Qolganini vaqt ko'rsatadi. Bilishimga qaraganda 29 yanvarga qadar Toshkentda mashg'ulotlarni davom ettiramiz. Shundan so'ng qisqa muddat dam olish imkoniyati beriladi. Jamoaga bosh murabbiy qo'ng'iroq qilib taklif qildilar. Shundan so'ng mashg'ulotlarga qo'shildim",- deydi Pirimov.

Zohir Pirimov: "Faoliyatimni Superligada davom ettirishni istaganim uchun "Surxon"ga o'tdim"