Jamoa kuniga ikki mahaldan mashg'ulotlar olib bormoqda. Hozirgi vaqtda yig'inga bir qator tajribali va istedodli mahalliy futbolchilar jalb qilingan. “Zomin” yangi futbolchilarni nazorat uchrashuvlarini tashkil qilib sinab ko'rmoqda. Jamoaning o'yin uslubiga mos kelgan o'yinchilar bilan shartnoma tuzish rejalashtirilgan.

Klub tomonidan shu kungacha 3 ta nazorat uchrashuvi tashkil qilindi. Birinchi uchrashuv oliy liga ishtirokchisi “Sug'diyona”ga (6:1) hisobida mag'lubiyatga uchragan bo'lsa, keyingi ikkita uchrashuvda g'alaba qozonishdi. Oxirgi ikkita uchrashuv Birinchi liga jamoalariga “Yangier” (3:2), “G'allaorol” (5:3) jamoasiga qarshi o'tkazildi.

Eslatib o'tamiz, “Zomin” jamoasi Birinchi liga bahslarining ikkinchi davra uchrashuvini o'z maydoni “Zomin markaziy o'yingohi”da 19-tur
10 avgust kuni “Nasaf-2” jamoasiga qarshi o'tkazadi.

NAZORAT UCHRASHUVI

“ZOMIN” – “G'ALLAOROL” - 5-3.

Gollar: D. Toshmatov (13), N. Ibragimov (20), E. Karimov (30), S. Abramov (42), R. Abdurasulov (47).

“Zomin”: O. Sadiev, J. Saidov, A. Abdullaev, D. Ikromov, E. Karimov, D. Kamolov, N. Ibragimov, S. Abdullaev, D. Toshmatov (L. Fayzullaev, 29), O. Toyloqov, S. Abramov.

Akmal RAXMATULLAEV “Zomin” PFK matbuot xizmati

“Zomin” 3 ta nazorat uchrashuvi o'tkazdi