Unga o'yining eng yaxshi futbolchisi Umar Abdulrahmon hamrohlik qildi.

- Avvalo g'alaba qozongan jamoani, yani "Al Ayn"ni tabriklayman. Bugun biz himoyada juda yomon o'ynadik. Omadimiz keldi deb aytaman. Ollohga shukur, Umarga shukur. Bugun 3 ochko oldik. O'yin boshida "Bunyodkor"dan agressiv o'ynashini kutgandik. Biz tezkor gol urib oldik. Afsuski g'alati o'yin ko'rsatdik, bu futbolni qanday atashni ham bilmayman. Agarda guruhdan chiqish maqsadimiz bo'lsa bunday o'ynamasligimiz kerak. Ammo bir narsani tushunish kerak, bu futbol. O'tgan o'yinda biz juda yaxshi o'ynab 1 ochko olgandik. Bugun omad tufayli uch ochko olishga erishdik, - deydi Zoran Mamich.

- Yaratganga shukurki bugungi o'yinda g'alaba qozongandik, himoyada xatolar yo'l qo'ydik. Keyingi bahslarda yaxshiroq o'ynashimiz kerak, - deydi Umar Abdulrahmon.

- Jamoaingiz bitta golni o'yindan kiritdi, "Bunyodkor" esa ikkita golni o'yindan urdi. Sizda qoniqmaslik hissi bormi?

- Har qanday gol bu gol. Bugun natijadan qoniqdim eng asosiysi shu. Nima uchun standartdan urilgan golga xursand bo'lmasligim kerak.

- Danilo Asprilya nima uchun zaxirada qoldi?

- Ikki uch kun oldin mashg'ulotlarga qaytdi. Shu bois hali to'liq formada emas.

- Kecha "Bunyodkor"ning eng kuchli va kuchsiz tomonlarini o'yindan keyin aytaman degandingiz.

- Raqibning kuchli tomoni bu hujum chizig'i. Shomurodov va Hamdamov juda kuchli futbolchilar.

- Yaqinda BAA pro ligasi futbolchilarning soch turmaklari etikaga to'g'ri kelmaydi deb xabar tarqatdi. Ular orasida Umar Abdulrahmon ham bor edi.

Umar Abdulrahmon: - Yo'q bu borada muammo yo'q. 15 yoshimdan buyon shunday soch turmagim shunday. Bunday taqiq qo'yilmadi.

- "Al Ayn" Toshkentda "Paxtakor"ni, "Lokomotiv" va "Bunyodkor"ni yutdi. Toshkent siz uchun omadli shaharmi?

Umar Abdulrahmon: - Albatta. Shunday desak bo'ladi. Toshkentga keyingi safar kelganimda ham yutaverishini istayman.

- O'tgan yil "Al Ayn" OCHL finalida yutqazgandi. Ammo shunga qaramay rahbariyat murabbiyni almashtirdi. Bu sizga bosim yuklamaydimi?

- Jamoa o'tgan yil finalga chiqib yutqazgani yaxshi natija deb hisoblayman. O'sha bahsdan oldin 5 nafar futbolchi maydonga tushmagandi. Biz bu yil ham OCHL finaliga chiqishni istaymiz.

Narzulla Saydullaev

Zoran Mamich: "Omadimiz kelgani uchun "Bunyodkor"ni yutdik"