Бундан 115 йил аввал шу куни ака-ука Падрос ва Хулиан Паласиослар “Madrid football club” номи остида жамоа ташкил этган. 1920 йил 20 июнь куни Испания қироли Альфонс 13 жамоага “қирол клуби” номини берган. Испан тилида бу “Реал” деб аталади. Кўпчилик жамоанинг замонавий номи “Реал Мадрид” билан атайди. “Реал Мадрид” клуби ташкил топиши билан Испания футболчининг етакчи жамоаси бўлишга даъвогарлик қилган. 1903 йили бўлиб ўтган мамлакат кубогида “Реал Мадрид” финал йўлланмасини қўлга киритган ва финалда “Атлетик Бильбао” жамоасига имкониятни бой бериб қўйган. Бир неча йилдан сўнг нуфузли соврин узоқ муддатга пойтахтга олиб келинди. “Реал Мадрид” Испания кубогини 4 маротаба кетма-кет қўлга киритган. Испания чемпионати эса 1928/29 йилги мавсумдан эътиборан ўтказиладиган бўлган. Бунгача жамоалар мнтақалар аро мусобақада иштирок этиб келган. Мана шу вақт ичида “Реал Мадрид” мамлакат биринчилигида 16 маротаба зафар қучган. Яқин ўтмишда Мадриднинг “Реал” клуби сафида ўз вақтида бир қатор юлдуз футболчилар тўп тепишган. “Қаймоқранглилар” клубининг 115 йиллиги муносабати билан сизларнинг хукмингизга “Реал Мадрид” жамоасининг ўз вақтининг 5 нафар юлдуз футболчиларини тақдим этамиз.

Рауль Гонсалес

1994 йили Рауль Гонсалес Мадриднинг “Реал” клуби билан футболчилик фаолиятидаги профессионал шартномага имзо чекди. Фақат Рауль дархол “Реал Мадрид” клубида майдонга тушмади, Рауль ўйин амалиётига эга бўлишини ва тажриба орттиришини бош мураббий таъкидлаган. Рауль бир йил “Реал Мадрид”нинг иккинчи ва учинчи жамоаларида тўп тепган ва 8 учрашувда рақиблар дарвозасини 16 маротаба ишғол қилган. Раульнинг мана шундай омадли ҳаракатларидан сўнг “Реал” клуби бош мураббийи уни асосий таркибга жалб қилган ва талантли ҳужумчидан оқилона фойдаланган. Рауль Гонсалес “Реал Мадрид” клубида ҳар қандай мураббий қўл остида асосий ҳужумчи бўлган. Рауль ўз даврининг моҳир ҳужумчиси бўлган. Рауль Гонсалес “Реал Мадрид” клуби таркибида 741 учрашувда майдонга тушиб рақиблар дарвозасини 323 маротаба ишғол қилган.

Дэвид Бекхэм

Англия терма жамоасининг моҳир ярим ҳимоячиси Дэвид Бекхэм 2003 йили “Манчестер Юнайтед” клубидан “Реал Мадрид” жамоасига кўчиб ўтган. Англиялик футболчи Испаниядаги фаолиятини ғалаба билан бошлаган. Бекхэм “Реал Мадрид” клуби таркибида илк учрашувни Суперкубок баҳсида “Мальорка” жамоасига қарши ўтказган. Девид Бекхэм ушбу учрашувда ҳисобни очган ва ўз номига “Реал Мадрид” сафидаги илк голини ёзиб қўйган. Девид Испания чемпионатида илк голини дебют учрашувида 3 дақиқада нишонлаган. Ла лигада мавсумдаги 16 учрашувда Девид Бекхэм рақиблар дарвозасини 5 маротаба ишғол қилган. Дэвид Бекхэм “Реал Мадрид” таркибида 4 йил мобайнида тўп тепган. У жарима зарбаларини моҳирлик билан амалга оширган. Бекхэм голларини асосан жарима зарбалари орқали киритган. Бекхэм “Реал” таркибида 159 учрашувда майдонга тушиб рақиблар дарвозасини 20 маротаба ишғол қилган.

Роналдо

Япония ва Жанубий Кореяда бўлиб ўтган Жаҳон чемпионатидан сўнг Роналдо Мадриднинг “Реал” клубига Италиянинг “Интер” клубидан 40 миллион фунт стерлинг эвазига кўчиб ўтган. Роналдо мана шу трансфердан сўнг “қаймоқранглилар”нинг юлдуз футболчиларидан бири бўлган. Бундан олдин “Реал” таркибига португалиялик Луиш Фигу ва франциялик Зинедин Зидан келиб қўшилганди. “Нерадзуррилар” мухлислари Роналдонинг кетишини клубга хиёнат қилди, дея қарашган. Аммо Роналдо тантанали равишда Италияга қайтган, фақат “Интер” клубига эмас балки уларнинг ҳам шаҳари “Милан” жамоасига келиб қўшилган.

Роналдо “Реал Мадрид” сафидаги илк учрашувида мухлислар ва жамоа раҳбарияти кутган ўйинни намойиш қилган ва “Реал” сафида дебют учрашувида гол урган. Мавсумдаги илк “эл-классико”да “Барселона”га қарши учрашувда Роналдо шамоллаши туфайли майдонга туша олмаган. 2003 йили “Барселона”га қарши “Сантиагу Бернабеу”да бўлиб ўтган жавоб учрашувида майдонга тушган ва собиқ жамоаси дарвозасига гол урган. Ушбу баҳсда томонлар муроса йўлини танлашган. Ўтган мавсумдаги учинчи ўриндан сўнг Роналдо жамоага келиши билан “Реал Мадрид” Испания чемпионати ғолиблигини қўлга киритган. Роналдо Мадриднинг “Реал” клуби сафида 194 учрашув ўтказиб рақиблар дарвозасини 118 маротаба ишғол қилган.

Роберто Карлос

Бразилиялик талантли ҳимоячи Роберто Карлос 1996 йил Италиянинг “Интер” клубидан Мадриднинг “Реал” жамоасига 6 миллион евро эвазига кўчиб ўтган. Ўша пайтдаги “Реал Мадрид” бош мураббийи бўлган Фабио Капелло Роберто Карлосни сотиб олишни жуда ҳам хоҳлаганди. “Реал Мадрид” таркибида Карлос “Бетис”га қарши учрашувда рақиблар дарвозасини ишғол қилиб ўз номига гол ёздириб қўйган. Роберта Карлос биринчи йили “Реал Мадрид” таркибида 42 учрашувда майдонга тушган ва ўз номига 5 та голни расмийлаштириб қўйган ва жамоасининг Испания чемпиони номига сазовор бўлишига ўз хиссасини қўшган. Бир йилдан сўнг Карлос жамоаси билан Чемпионлар лигаси ғолиблигини қўлга киритган. 2000 йили Роберто Карлос “Реал” билан яна ўша натижани такрорлади, яъни ЕЧл мусобақасида бош совринни қўлга киритди.

2003 йили Роберто Карлос трансфери борасида “Челси” ва “Интер” жамоалари музокара бошлаб юборди. Афсуски ушбу музокара амалга ошмади ва Карлос “Реал Мадрид” билан янги шартномага имзо чекди. 2007 йили 9 март куни Роберто Карлос “Реал” клубидан кетишини маълум қилди. Роберто Карлос “Реал Мадрид” таркибида 584 учрашувда майдонга тушган ва рақиблар дарвозасини 71 маротаба ишғол қилган. Шулардан 370тасида Испания чемпионатида майдонга тушиб 47та голга муаллифлик қилган.

Зинедин Зидан

Келиб чиқиши жазоирлик бўлган Зинедин Зидан Франциянинг Марсель шаҳрида 1972 йили 23 июнда таваллуд топган. Зидан футболчилик фаолиятида бир қатор жамоаларда тўп тепган. Зидан Испаниянинг “Реал Мадрид” клубига 2001 йили Италиянинг “Ювентус” жамоасидан 75 миллион евро эвазига келиб қўшилган. Янги мамлакат ва у ернинг футболига мослашиш Зидан учун оғир кечган. Зинедин Зидан “Реал Мадрид” клубидаги дебют учрашувида Испания чемпионатининг барча етакчи тўпурарлари қаторида санаб ўтилган. Аммо ёрқин ўйинларини нафақат Зидан балки “Реал Мадрид” клуби ҳам кўрсата олмаган. Клуб бош Мураббийи Висенте Дель Боске “Реал”нинг одатий тактикасига ўзгартириш киритишга ва Зидан учун майдонда жой топишга тўғри келган. 2001/2002 йилги мавсумда Зинедин Зидан “Реал Мадрид”нинг ЕЧЛ мусобақасининг финал босқичида Леверкузеннинг “Байер” клубини мағлуб этиб яна бир бор ғолиб бўлишига ўз хиссасини қўшган. Ушбу баҳсда “қаймоқранглилар” рақибларини 2:1 ҳисобида мағлубиятга учратишган. Голлардан бирига Зиданнинг ўзи муаллифлик қилган. 2002/2003 йилги мавсумда “Реал Мадрид” ва Зидан Испания чемпионлигини қўлга киритган. Мадрид клубида ўша пайтларда Зидан жамоанинг етакчи футболчиларидан бири бўлган. Бундан ташқари “Реал” сафида Фигу, Роналдо, Роберто Карлос, Бекхэм ва Рауль каби юлдуз футболчилар тўп тепган. Зинедин Зидан “Реал Мадрид” клубида 225 учрашув ўтказиб 49 маротаба рақиблар дарвозасини ишғол қилган.

2016 йили 4 январ куни Рафаэл Бенитес ўрнига Зинедин Зидан “Реал Мадрид” клуби бош мураббийлиги постини эгаллаган. Шу кунгача Зинедин Зидан “Реал Мадрид” клубини бошқариб келмоқда.

Жаҳонгир Сотволдиев тайёрлади.

115 ёшинг муборак “Реал Мадрид"