Терма жамоамиз сардори Одил Аҳмедов шундай футболчики, ўзи тўп тепаётган клубга нафақат майдонда ёрдам беради, балки кетиш маҳалида ҳам рози қилиб кетади. У ҳеч қачон клублар билан шартномасини бекор қилишга уриниб кўрмаган, яъни ўз манфаатларини жамоаникидан устун қўймаган (ёш футболчилар ўрнак олишса арзийдиган жиҳат).

Эътибор қилинг, қуйида Одил Аҳмедов иштирокида тузилган трансфер битимларини келтирамиз:

1. 2011 йилнинг ёзида Маҳачқалъанинг "Анжи" клуби наманганлик футболчи учун "Пахтакор"га 1,7 млн евро тўлаган.

2. Аҳмедов 2014 йилнинг ёзида "Краснодар"га ўтган. "Анжи" бу трансфердан 4 млн евро даромад қилган.

3. Ўз навбатида "Краснодар" ҳам Одилнинг трансферидан сира зарар қилмади. Ҳамюртимиз майдондаги ҳаракатлари ва чиройли голлари билан жамоанинг ютуқларига улкан ҳисса қўшишдан ташқари, 2017 йилнинг қишида клуб ҳисоб рақамига 7 млн евро келиб тушишига сабабчи бўлди. Ўшанда Хитойнинг "Шанхай СИПГ" жамоаси Аҳмедовни харид қилганди.

4. Шунингдек, футболчи 2 бор ижарага берилган. "Пахтакор" 2011 йилнинг 1-ярмидан "Анжи" билан тузилган ижара шартномасидан қанча ишлаб олгани аниқ эмас. "Шанхай Порт" (СИПГ номи ўзгарган) эса 2020 йилнинг охирида Аҳмедовни 62 минг евро эвазига 4 ойга ижарага берган.

Хуллас, Одил Аҳмедовнинг трансферлари учун у ўйнаган клублар умумий миқдорда 12,7 млн евродан кўпроқ маблағ сарфлаган. Бу ўзбек футболи тарихидаги рекорд кўрсаткич ҳисобланади.

Ўзбекча трансфер. "Бунёдкор" Азиз Ҳайдаровнинг сотувидан қанча даромад қилган?

12,7 млн евро — Одил Аҳмедовнинг ўзига хос рекордини биласизми?