15 млрд бюджет ва 200га яқин тарбияланувчи. Легионерлардан воз кечган "Металлург" академиясига фотосаёхат

Tolibjon Qosimov
25 nov 2021
Тошкент вилоятининг "Металлург" клуби бу йилги мавсумдан ўз академиясига жиддий эътибор қарата бошлади.

Бекободга бориб "Металлург" академиясига фотосаёхат уюштирдик. Қуйида ажойиб кўринишга келтириб қўйилган академия ва клуб базасидан суратларни эътиборингизга ҳавола этамиз.


"Металлург" клуби замонавий ва барча шароитлар яратилган академиясини ишга туширди.

- Айни пайтда академияда 3 нафар испаниялик мутахассислар фаолият олиб боряпти;

- Ҳозирда академияга 11 ёшдан 17 ёшгача бўлган болалар қабул қилиняпти;

- Бу мактаб таълими ҳам ичида бўлган Ўзбекистондаги биринчи академиядир. Яъни, "Металлург" академиясида тарбияланаётган болакайлар бир вақтнинг ўзида мактаб таълимини ҳам шу ернинг ўзида олишади;

- Академияда инглиз ва испан тиллари чуқурлаштирилган тарзда ўқитилади. Ўқитувчилар Тошкент шаҳридан чақирилган ва олий маълумотли;

- Академия ётоқхонаси 210 нафар болага мўлжалланган. Ҳозирча, 200га яқин бола таҳсил олмоқда;

- Академия тарбияланувчиларнинг 50 фоизи учун бепул, қолган 50 фоизи учун эса пуллик;

- Пуллик ўқийдиганлар ойига 3 млн сўмдан тўлайди, бепул варианти эса иқтидорли болалар учун;

- Ҳар бир гуруҳга 40 нафардан бола қабул қилиш мўлжалланган. Улардан 20 нафари пуллик, 20 нафари эса иқтидорли болалар (бепул);

- Келажакда тарбияланувчилар сонини 240-250 нафарга етказиш мўлжалланяпти.


"Металлург" жорий мавсум 2-даврадан бошлаб легионерлар хизматидан воз кечди ва уларга сарфланадиган пулларни академияга йўналтиришни бошлади. Клуб раҳбариятининг "Championat.asia"га маълум қилишича, янги мавсумда ҳам жамоага легионерлар олиб келинмайди.

"Металлург" академиясининг бир йиллик бюджети 15 млрд сўмни ташкил этади. Ҳа, пулларни ўртамиёна легионерларга сарфлагандан кўра, мана шундай академияга ишлатган анча фойдалироқ бўлса керак. Ҳар ҳолда, клуб бунинг мевасини бир неча йиллар ўтиб кўриши мумкин.

Қуйида "Металлург" академияси ва клуб базасидан суратларни томоша қилишингиз мумкин.

Академия худудидаги майдон, унинг чими алмаштириш жараёнида.


Академия биноси.


Ажойиб академия ва база. Шароитлар ҳам аъло даражада.


Мураббийлар учун, тренажер зали ва умумий катта залга мўлжалланган бино.


"Металлург"нинг U-18 жамоаси истиқомат қиладиган бино.


Ўқув биноси.


Академия ўқувчилари биология дарсида.


Болаларнинг ётоқхонаси.


Академия мураббийлари хонаси.


Анжуманлар зали.


Ошхона.


Академия биноси ичидаги иссиқ бассейн.


Тиббиёт хонаси.


Тренажер зали.


Табиий чимли майдон (бу чим устида ҳали ишланиши кераклиги кўриниб турибди).


Бу эса сунъий қопламали майдон. Бу икки майдонгача академия биносидан 5 дақиқалик йўл.




Tolibjon QosimovМақола муаллифи
Қопқоқ: Championat.asia

Изоҳлар

GALABA Bizni take etmasin
25 nov 2021
Болларни кузини жовдираб туришини каранг, мард ва халол булишни ургатишни унутманглар. Мошоллохх жуда шинам экан.
mahmudovz2505@mail.ru
26 nov 2021
Аввало хаммага Жума муборак бўлсин, Бекободликларга академия муборак бўлсин, лойиха бардавом бўлсин, бўлар-бўлмас легионерларга катта пул сарфлаётган жамоаларни кўзини бир очиб қўйинглар, зора Аллох хаммасини дилига солиб ким ўзарга энг зўр академия қуришга ўтиб кетишса, Муборак Жума куни сўрадим.
Sherzod Shokirov
26 nov 2021
Asalomu aleykum akademiya bilan qando aloqaga chiqsam bo’ladi ukalarmni bermoqchi edim ilitmos nomerini bilganla telegramda habar qoldirina iltimos uzim uzbda emas edim shunga +998949045555 shu nomerga judahham hursand bolar edim kattakon raxmat
Sherzod Shokirov
26 nov 2021
Металлург" академияni nomerini biladiganla bormi???
Davronbek Beshariq
25 nov 2021
Гап суз булиши мумкин эмас, лекин майдон академия биносидан сал узокрокда экан, академия учун 2та майдон кам эмасми. Майли, омад тилаб коламиз.