Ўзбекистон ва Қозоғистон ёшлар терма жамоалари 17-18 май кунлари Тошкентда ўртоқлик учрашуви ўтказади. Учрашув Жар стадионида бўлиб ўтади.

Ушбу учрашув Ўзбек ва қозоқ халқларининг абадий дўстлигига бағишланган "Биз - бир халқмиз" шиори остида 2014 йил 17-18 май кунлари Тошкент шаҳрида Дўстлик фестивали бўлиб ўтади. Фестивал доирасида футбол бўйича Ўзбекистон ва Қозоғистон ёшлар терма жамоалари ўртасида 2 та ўртоқлик учрашуви ҳам ташкил этилади. Бу ўйинлар "Жар" стадионида бўлиб ўтади.

Фестивал доирасида “Пахтакор” ва “Қайрат” фахрийлар жамоалари ўртасида ўзига хос ўртоқлик учрашуви ҳам ўтказилиши белгилаб қўйилган. Келаётган шанба куни айнан “Жар” стадионида яқин ўтмишнинг машҳур юлдузлари ўйинига гувоҳ бўлишлари мумкин.

“Пахтакор” таркибида дарвозабонлар Анвар Рашидов ва Алексей Рошин, футболчилар – Биродар Абдураимов, Тўлаган Исоқов, Аҳрол Иноятов, Миржалол Қосимов, Игорь Шквирин, Шуҳрат Мақсудов, Мурод Алиев ҳамда 12-Осиё ўйинлари ғолиблари майдонга тушишади. Бу жамоанинг бош мураббийи Григорий Цейтлин бўлади.

Учрашув 17 май куни “Жар” стадионида соат 10:00да бошланади. Шунингдек, ушбу тадбир доирасида ўтган йили ўзининг 70 баҳорини нишонлаган футболимиз фахри, ХХ аср ўзбек футболининг энг яхши футболчиларидан бири Биродар Абдураимовга зарбоп тўн ҳам кийгизилади.

Бундан ташқари, фестивал доирасида бошқа спорт турлари бўйича ҳам икки мамлакат спортчиларининг ўзаро мусобақалари ҳам ўтказилади.

17-18 май кунлари Ўзбекистон ёшлари Қозоғистонга қарши иккита ўйин ўтказади