Биринчи жамоа 2023 йилнинг ёзида шу ерда ҳозир бўлади, аёллар ва ёшлар жамоалари эса қишда келишади. Қароргоҳ ҳам профессионаллар, ҳам академия ёшлари учун мўлжалланган.

Базада 180 нафар спортчи ва 200 нафар ходим, жумладан, офис менежерлари фаолият кўрсатишади. Биринчи жамоага яшаш учун 43 та хона берилади ва сузиш ҳавзалари, даволаш хоналари, бальнеотерапия (минерал сувлар билан даволаш), криётерапия, сауна, ҳаммом ва ресторан ишлаб туради.

Ёшлар (шу жумладан, аёллар жамоалари) учун мактаб очилиб, унда тахминан 15 та синф мавжуд бўлади. 2024 йилги Париж Олимпиадасидан кейин бошланадиган қурилишнинг иккинчи босқичида клубнинг гандбол ва дзюдо бўлимлари жойлашган яна бир бино барпо этилади. Шу билан бирга, аёллар ва ёшлар ўртасидаги ўйинлар учун 3000 ўринли стадион ҳам қурилади.

17 майдон, ресторан, боғ — ПСЖ 300 миллион еврога "орзу маркази" қурмоқда