10-турда "Пахтакор 1"ни мағлуб этган "Ўрикзор" жамоаси бу сафар ўз майдонида СКИФ клубини қабул қилди. "Чиғатой" майдонида ўтказилган баҳс мезбонларнинг 3:2 ҳисобидаги ғалабаси билан якунига етди.

"Ўрикзор" ўйинчилари тезкорлик ва комбинацион ўйин кўрсатишга уринган бўлса, СКИФ футболчиларининг асосий қисми гавдали бўлгани учун жисмоний устунлик эвазига тўп тепишга уринди. Бундан ташқари, меҳмонлар бўйдаги устунлик ҳисобига ҳужумларни ҳаводан узатилган паслар билан якунлашга ҳаракат қилишди.

Меҳмонлар ўйинда тезкор гол киритишга муваффақ бўлдилар. Лекин, мезбонлар ирода кўрсатиб вазиятдан чиқиб кетишди. Учрашувнинг 26 дақиқасида Шерзод Қодиров жамоадоши Абдурашид Валихоновнинг пасини кўкка совурмади ва мувозанатни тиклади. Иккинчи бўлимда эса заҳирадан майдонга тушган Сарвар Шоаҳмедов ҳамда Омон Раҳимовлар биттадан тўп киритишди. Бунга жавобан СКИФ 87 дақиқада битта гол урди, якуний ҳисоб 3:2.

"Ўрикзор" - СКИФ 3:2
Голлар: Ш.Қодиров 26, С.Шоаҳмедов 72, О.Раҳимов 77 - Б.Юсупов 6, У.Ҳаитов 87

"Ўрикзор": Мирсодиқ Маҳаматов, Абдурашид Валихонов, Баҳром Ғофуров, Бекзод Мирсаидов, Зоир Тошматов, Абдулла Маҳкамов, Шерзод Қодиров, Азиз Тохиров, Нуриддин Насриддинов, Абдулла Йўлдошев, Жаҳонгир Муҳамаджонов.
Заҳира: Ислом Гайназаров, Азиз Аминжонов, Омон Раҳимов, Бунёд Ваҳобжонов, Умиджон Қаюмов, Турғунпўлат Турғунов, Сарвар Шоаҳмедов.

СКИФ: Валерий Карпенко, Тохир Исроилов, Жасур Расулов, Абдураим Анорбоев, Павел Тюлкин, И.Ҳакимов, Шердар Туранов, Жавоҳир Салимов, Нуриддин Умаров, Баҳодир Юсупов, Александр Чехмарев.
Заҳира: Улуғбек Ҳаитов, Азамат Боғибеков, Фарруҳ Фатхуллаев, Шохруҳ Ҳожиев, Абдуҳамид Каримов.

Огоҳлантиришлар: А.Йўлдошев 53, И.Гайназаров 82, А.Маҳкамов 90 - Н.Умаров 36, А.Анорбоев 40, В.Карпенко 60, Ш.Ҳожиев 73
Четлатиш: А.Анорбоев 65 (Иккинчи огоҳлантириш)

10-тур

СКИФ - "Бунёдкор А" 0:1
"Пахтакор 1" - "Ўрикзор" 2:3
"Намуна" - "Локомотив БФК" 2:1

11-тур

"Ўрикзор" - СКИФ 3:2

Турнир Жадвали

№	Жамоа	У	Ғ	Д	М	Т-Н	О
1	Бунёдкор-А	9	5	4	0	16-6	19
2	Ўрикзор	11	4	5	2	21-20	17
3	Намуна	9	3	4	2	16-14	13
4	СКИФ	8	3	3	2	7-6	12
5	Пахтакор-1	8	3	1	4	10-16	10
6	Локомотив БФК	10	2	2	6	15-16	8
7	Трамвайчи	8	1	4	3	9-12	7
8	Пахтакор-2	7	2	1	4	12-16	7

ФК "Ўрикзор" матбуот хизмати

2-лига. "Ўрикзор" СКИФни мағлуб этди