Услуб

«Эътиборни тортиш учун дахшатли соч турмаги қилиш шарт эмас».

Бутун фаолиятини Пирло деярли бир хил соч турмаги билан ўтказди, фаолияти тугашига оз қолганида соқол қўйиб ўзига хос услуб яратди.

Узумчилик

«Мен дои вино ичганман, ёшлигимда онам сув билан аралаштириб берардилар. Турли жойлардан ва турли ишлаб чиқарувчиларнинг виноларини ичишни яхши кўраман. Уни тушуниш учун вино ҳақида ўқишни ҳам яхши кўраман».

Виночилик – Пирло оиласининг бизнеси, Андреанинг Италия ва Францияда бир нечта плантациялари бор. Ҳозирда Пирлога тегишли хўжалик йилига 20 минг шиша тайёрлайди.

PlayStation ҳақидаги машҳур иқтибос

Пирлонинг автобиографияси бўлган «Мен ўйлаяпман, мен ўйнаяпман» китобида PlayStation'ни инсониятнинг ғилдиракдан кейинги энг ажойиб ихтироси деб ёзилган. Андреа симуляторда ҳаётдагида 4 марта кўп ўйин ўтказган шекилли.

«2006 йил 9 июль куни тушликдан сўнг ухладим, кейин PlayStation ўйнадим, кечқурун эса Жаҳон чемпиони бўлдим».

Ақлли футбол ва жарима тўплари

Пирлонинг бир нечта лақаблари бор: Профессор, Метроном, Архитектор, Даҳо.

Унинг узун паслари ва жарима тўпларини амалга ошириши кўпчиликка ёқади, буларни у Жуниньо Пернамбуканудан ўрганган. Бу ҳолат автобиографияда тўлиқ ёзилган.

«Хоҳласангиз мени Пирлиньо деб чақиринг. Мен Жуниньонинг ҳаракатларини обдон ўргандим – бироз вақт керак бўлди. У каби тепишга уринардим, тўп эса базадан ташқарига чиқиб кетаверарди. Ташқаридаги мухлисларга эса тўпни атайин сизларга совға қилмоқчи эдим деб алдардим.

Балки энди кимдир менга ўхшашга интилаётгандир. Кимлар учундир мен – Жуниньо 2.0 бўлсам керак. Ҳеч кимга буни айтмаганман, мақсадим Италия А сериясида жарима тўпидан энг кўп гол урган футболчи бўлиш».

2015 йил баҳорида Пирло Синиша Михайловичнинг рекордини такрорлаганди – Италия А сериясида 28та гол.

Паненка услубидаги пенальти

Евро-2012 чорак финалида Англияга қарши баҳсда Пирло ўйиндан кейинги пенальтилар сериясида Антонин Паненка услубида зарба берганди: Жо Харт чап томонга ташланган, тўп эса оҳистагина дарвозанинг марказига йўл олганди.

«Дарвозабон ғалати ҳаракатлар қилаётганини кўрдим. У яна бир марта қимирлашини кутдим ва зарба бердим. Бу зарба инглизларни издан чиқарганди: мендан кейин Янг устунни нишонга олганди».

Паненка бу зарбани мақтаганди:

«Бу ажойиб зарба эди. Жуда муҳим вазиятда у шундай зарба берганидан хайрон қолдим. Менинг зарбам ҳамон яшаётгани учун шерикларим билан қадаҳ кўтардик».

Мағлубиятлардан кейинги кўз ёшлар

Андреа фаолиятида 3 марта катта финалларда ютқазган:

1) ЕЧЛ-2005 финали. Ўша «Ливерпуль»га қарши машҳур финал.

«Истанбулдаги мағлубиятдан кейин кетиш ҳақида ўйладим, сабаби барча нарсанинг мазмуни йўқолганди. Икки йилдан кейин финалда ўша жамоани мағлуб этганимиздан хурсандман».

Афина-2007. Пирло Массимо Амброзини, Кака ва ЕЧЛ кубоги билан. Истанбулдаги ўша финалдан икки йил ўтиб.

2) Евро-2012, испанлардан қабул қилинган шармандали мағлубият. Пирлонинг йиғлаётган сурати ўйиндан ҳам кўп ёдда қолди.

3) ЕЧЛ-2015 финали – «Барселона» Андреани учинчи Чемпионлар лигаси кубогисиз қолдирди.

Таътилдаги энг чиройли расм

Хатто таътилда ҳам Пирло жарима тўпларини ажойиб бажарарди.

sports.ru сайтидан таржима

"2006 йил 9 июль куни тушликдан сўнг PlayStation ўйнадим, кечқурун Жаҳон чемпиони бўлдим"