Мусобақага ташриф буюрган мухлисларга мамлакатга шахсий истеъмол қилиш учун спиртли ичимликлар олиб кириш тақиқланади.

Миллий хавфсизлик қўмитаси раҳбари Жассим Абдулраҳим Ал Сайид:

"Махсус чоралар кўрилади. Ўйлашимча, багажда спиртли ичимликларни олиб келиш тақиқланади. Мамлакатда спиртли ичимликлар сотиладиган махсус жойлар ташкил этилади".

2022 йилги Жаҳон чемпионати ташкилий қўмитаси раҳбари Носир Ал Ҳатир шундай деди:

"Стадионларда ва белгиланган жойларда спиртли ичимликлар сотилиши ҳақида нотўғри тушунча мавжуд. Ҳаммаси одатдагидек бошқа Жаҳон чемпионатларида бўлгани каби ишлайди. Биз ҳар доим Қатарда спиртли ичимликлар маълум ҳудудларда бўлишини айтдик.
Фанфест 18:30 да бошланади. У ерда болали оилалар кўп бўлади. Шунинг учун биз уларга кун давомида алкоголсиз ҳудудларда бўлиш имкониятини бермоқчимиз. Бу вақтдан кейин мухлисларга спиртли ичимликлар истеъмоли учун шароит бўлади".

Аввалроқ Қатарда бўлиб ўтадиган Жаҳон чемпионатида пиво ўйин вақтида сотилмаслиги маълум қилинганди. У ўйинлар бошланишидан уч соат олдин ва бир соат кейин сотилади.

2022 йилги Жаҳон чемпионати вақтида Қатарга спиртли ичимликларни олиб кириш тақиқланади