Демак, агар вазият ўзгармайдиган бўлса ушбу мавсум 35 ёшли футболчи учун "Челси"даги сўнггиси бўлиб қолади. Футболчига янги шартнома таклиф қилмаган раҳбарият эса ҳозирча жамоа мухлисларининг ҳақоратомуз хабарларига чидаб туришига тўғри келади.

Биз эса футболчининг "Челси"даги фаолиятига назар ташлаб ўтамиз. Барчаси қандай бошланганди?

1998 йил. 17 ёшли Жон "Челси" ўринбосарлари сафида

2000 йилда эса асосий таркибдан ўрин эгаллай бошлайди

2004 йилда эса "Челси"га Моуриньо келади ва Террини жамоа сардори этиб тайинлайди

2005 йил. Терри фаолиятидаги илк чемпионликни нишонламоқда

2005 йил. Мана шу суратдаги шоввозларнинг уччаласи ҳам Англиянинг йил ўйинчиси бўлиш учун номзод бўладилар. Якунда эса Терри ютиб чиқади

2006 йил. Чехнинг бошидан олган оғир жароҳатидан сўнг майдонга Карло Кудичини туширилади. Кейин эса Кудичини ҳам майдондан чиқиб кетади. Шунда дарвозани Жон Терри қўриқлайди

2008 йил. Москвадаги Европа Чемпионлар Лигаси. МЮга қарши финал ўйини, пенальтилар серияси ва Террининг хатоси...

2010 йил. Терри "Челси" сафидаги учинчи чемпионликни нишонламоқда. Бу Анчелотти қўл остидаги ғалаба эди

2011 йил. Антон Фердинандни ирқий камситган Терри ўзининг Англиядаги обрўсини тушириб юборади

2012 йил. Терри Чемпионлар Лигаси финалида ўйнамади. Бироқ, ушбу ғалабадан ҳаммадан ҳам айнан бизнинг қаҳрамонимиз кўпроқ қувонди

2013 йил. "Челси"га Рафаэль Бенитес келди ва Терри захира ўриндиғида қолиб кета бошлади

2015 йилда жамоага яна Жозе Моуриньо қайтади. Терри эса Англия чемпиони бўлиш билан биргаликда, энг яхши ҳимоячи унвонини ҳам қўлга киритади

Айни пайтда бош мураббий Гус Хиддинк. Келаси мавсумда эса уларнинг иккиси ҳам бўлмайди...

Хорижий сайтлар асосида Азиз Тўхтамуродов тайёрлади

26-рақамли афсона (Жон Терри ҳақида)