Сўнгги турни "Навбаҳор" ўз майдонида ўтказади. Айни пайтда бешинчи ўринда бораётган жамоа мавсумни шу поғонада тугатиб қўйишни мақсад қилган. Бунинг учун жамоадан мағлубиятга учрамаслик талаб этилади.

Шунингдек, бу ўйинда "Навбаҳор" ўз майдонидаги мағлубиятсиз серияни ажойиб тарзда якунлаб қўйишни ният қилмоқда. Маълумки, бу йилги чемпионатда уйдаги беллашувларда шу пайтгача ютқазмаган фақат "Навбаҳор" бўлиб турибди.

"Навбаҳор" олий лига клублари орасида ўз майдонида ютқазмаган ягона клуб

Наманганликлар уйда 14та ўйин ўтказиб, шундан 9тасида ғалаба қозониб, беш марта дуранг ўйнашган. Тўплар нисбати 23-11. Жамоа уйдаги ўйинларда 32 очко жамғарган. Агар "Навбаҳор" ушбу кўрсаткични охирги турда ҳам қайд этса, бундан жамоа мухлислари хурсанд бўлса арзийди. Негаки кучли дея тан олинадиган "Локомотив", "Насаф" ва "Бунёдкор" клублари уйда бир мартадан мағлубият аламини тотиб кўришган.

Шунингдек, тўртта жамоа ўз майдонида икки бор мағлуб бўлган. Булар - "Пахтакор", "Машъал", "Олмалиқ" ва "Қизилқум". Эртага "Насаф"нинг легионерларсиз майдонга тушиши кутилмоқда. Чунки Рўзиқул Бердиев охирги ўйинда асосан ёшларни синаб кўришни мақсад қилган. Шундай бўлса-да, "Насаф"нинг жиддий қаршилик кўрсатиши кутилмоқда.

30-тур олдидан. "Навбаҳор" уйдаги мағлубиятсиз серияни чиройли якунлаб қўйиш ҳаракатида