"Консадоле Саппоре" футболчиси бугун 1998 йил бошлаган карьерасини тугатиши ҳақида эълон қилди.

"Илк маротаба футболни ўзим учун кашф этганимдан бери 39 йил давомида менга ҳамроҳлик қилган оёқларимга дам бериш фурсати етди, шу боис ушбу мавсум охирида футбол ўйнашни тўхтатишга қарор қилдим.
Мавсум якунланишига ҳали вақт бор, лекин имкон қадар ўйинларда иштирок этишим учун яхши тайёргарлик кўришда давом этаман. Мени шу пайтгача қўллаб-қувватлаганингиз учун миннатдорчилик билдираман", деди Оно.

Оно профессионал фаолиятини 1998 йил "Урава Ред Даймондс" жамоасида бошлаган ва ўша йили миллий терма жамоа таркибида жаҳон чемпионатида майдонга тушган.

Оно терма жамоа таркибида 56 ўйин ўтказган ва 2000 йилги Осиё кубогида зафар қучган. 2002 йил эса Осиёнинг энг яхши футболчиси деб топилган.

44 ёшли Осиё кубоги ғолиби мавсум сўнгида футболчилик фаолиятини якунлайди